XƏBƏRLƏR

Tarix:25/12/20

“Samsung” dünya televizorlar bazarında mütləq liderdir

“Samsung” şirkəti 10 ildən çoxdur dünyanın aparıcı televizor brendidir. “Omdia” tədqiqat şirkətinin qiymətləndirməsinə görə, bu il də vəziyyət dəyişməz olaraq qalacaq. Analitiklər əmindir ki, “Samsung” ardıcıl 15-ci dəfə dünyanın ən böyük televizor tədarükçüsü olacaq.

“ICTnews” Elektron Xəbər Xidməti “IXBT www.ixbt.com” resursuna istinadən yazır ki, qiymətləndirməyə görə, 2020-ci ilin yekunları üzrə “Samsung” televizorlarının tədarük həcmi illik hesablamada 11,2 faiz artacaq. Bu il ümumilikdə 49 milyon “Samsung” televizorunun satılacağı gözlənilir. Lakin buna baxmayaraq şirkət 52,94 milyon televizorun satıldığı 2014-cü ilin rekordunu yaxşılaşdıra bilməyəcək.

Analitiklər qeyd edir ki, pandemiya səbəbindən televizorlara tələbat artıb. Bu, insanların evdə daha çox vaxt keçirməsi ilə izah olunur.

Nizam Nuriyev

Baxış sayı: 1097