XƏBƏRLƏR

Tarix:12/02/21

Hindistan startapı 3D printerdə çap edilmiş raket mühərrikini sınaqdan keçirib

Hindistanın “Agnikul Cosmos” startapı dünyada ilk dəfə tamamilə 3D printerdə çap edilmiş raket mühərrikini uğurla sınaqdan keçirib.

“ICTnews” Elektron Xəbər Xidməti “hightech.fm” şirkətin məlumatına görə, çap prosesinə 4 gün vaxt sərf edilib. Mühərrikin köməyi ilə Yer kürəsinin səthindən təxminən 700 km yüksəklikdə yerləşən aşağı yerətrafı orbitə ağırlığı 100 kq-dək olan mikro və nanopeyklər çatdırmaq olar.

Onlar bildiriblər ki, adətən raket mühərrikləri fərdi qaydada yığılması tələb olunan yüzlərlə müxtəlif hissədən ibarət olurlar. Ancaq “Agnilet” mühərriki bu mənada universaldır: o, asanlıqla vahid avadanlığa birləşdirilə bilən üç moduldan ibarətdir.

Onların quraşdırılması çətin deyil və mühərrikin istehsalına az vaxt sərf edilir.

Yeniliyin müəllifləri uğurlu sınaqdan sonra yaradılmış konstruksiyanı və çap prosesini daha da təkmilləşdirməyi planlaşdırırlar.

Emil Hüseynov

Baxış sayı: 1385