12px13px15px17px
Tarix:13/01/12

Prezidentin qızına internetdə evlilik təklif edildi

 Qazaxıstan prezidenti Nursultan Nazarbayevin böyük qızı Dariqa Nazarbayevaya  bu təklif “zakon.kz” saytında onlayn-konfrans zamanı gəlib.

Əlli yaşlı Serik Majanovun göndərdiyi mesajı aparıcı oxuyub: “Salam, Dariqa! Mən bilirəm, siz ərinizdən boşanmısınız. Mənə ərə gələrsinizmi? Əgər cavab vermək istəməsəniz, susmağı razılıq əlaməti kimi başa düşəcəm”.

Nazarbayeva bu cür təklifə qəfildən cavab verməyə qarşı olduğunu bildirib. O, pərəstişkarına məsləhət görüb ki, heç olmasa, öz şəklini yollasın.


Nazarbayevin böyük qızı uzun müddət Rahat Əliyevlə evli olub. Əliyev bizneslə məşğul olub, həmçinin güc strukturlarında çalışıb. 2007-ci ildə adam oğurluğuna görə Rahat Əliyevə qarşı cinayət işi açıldıqdan sonra o, ölkəni tərk edib. Bu vaxta qədər Əliyev Nursultan Nazarbayevin əleyhdarı kimi tanınır.

Qazaxıstanda Rahat Əliyevə qarşı qiyabi məhkəmə prosesi keçirilib və uzunmüddətli həbs cəzası verilməsi barədə hökm çıxarılıb.

Bu qalmaqallar fonunda Dariqa ərindən ayrılmışdı. Onlayn-konfrans zamanı ona keçmiş əri barədə də suallar verilib. Keçmiş əri ilə görüşüb-görüşmədiyi barədə suala Dariqa mənfi cavab verib.

Dariqa Nazarbayeva Qazaxıstan prezidentinin fonduna rəhbərlik edib.
Hal-hazırda hakim “Nurt Otan” (Vətən nuru” partiyasından deputatlığa namizəddir.
 




Baxış sayı: 1318

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024