XƏBƏRLƏR

Tarix:17/01/12

2012-ci il Azərbaycan Respublikasında “İdman ili” elan edilib

Yanvarın 16-da Prezident İlham Əliyev Azərbaycan Respublikasında 2012-ci ilin “İdman ili” elan edilməsi haqqında Sərəncam imzalayıb.

Sərəncama əsasən, ölkəmizdə idmanın inkişaf etdirilməsi, Olimpiya hərəkatının genişləndirilməsi, gənclərin müntəzəm şəkildə idmana cəlb olunması, əhalinin bütün təbəqələri arasında sağlam həyat tərzinin formalaşdırılması, yeni idman və Olimpiya komplekslərinin tikilməsi zərurəti, eləcə də idmançılarımızın London olimpiadasında, dünya və Avropa çempionatlarında, rəsmi beynəlxalq yarışlarda yüksək göstəricilərinin təmin edilməsi məqsədi ilə 2012-ci il Azərbaycan Respublikasında “İdman ili” elan edilib.

Gənclər və İdman Nazirliyinə Nazirlər Kabineti ilə birlikdə 2012-ci ilin Azərbaycan Respublikasında “İdman ili” elan edilməsinə dair tədbirlər planını hazırlayıb bir ay müddətində Azərbaycan Prezidentinə təqdim edilməsi tapşırılıb.

Baxış sayı: 753