XƏBƏRLƏR

Tarix:25/01/12

Kiberkəşfiyyata ABŞ, Rusiya və Böyük Britaniya liderlik edir

ABŞ Milli Təhlükəsizlik Agentliyinin keçmiş direktoru Mayk Makkonnell elektron şəbəkədə yayılan informasiyaların ələ keçirilməsi, kiber əməliyyatların reallaşması sahəsində Rusiyanın mövcud imkanlarını yüksək dəyərləndirir.

Onun sözlərinə görə, dünyada kiberhücumlar və kiber casusluğun tətbiqi sahəsinə ABŞ, Rusiya və Böyük Britaniya liderlik edir. Bu barədə məlumatı "Reutres" agentliyi yayıb.

Makkonnell həmçinin bildirir ki, ABŞ-ın kəşfiyyat orqanları rəqiblərinin kompyuter sistemini tamamilə neytrallaşdırmağa və onun işini pozmağa imkan verən yeni texnologiyalara artıq çoxdan müvəffəqiyyətlə yiyələniblər.

Amma o, bu fəaliyyətin kimin əleyhinə və nə vaxt aparıldığını deməkdən imtina edib. Makkonnell hesab edir ki, ölkənin maliyyə, energetika, nəqliyyat sahələrində təhlükəsizliyi ilə yanaşı, onun kiber əməliyyatlardan müdafiəsi də prioritetlərə daxil edilməlidir.

Bundan başqa, kibercasusluq yolu ilə Amerika kompaniyalarında intellektual əmlakın oğurlanmasının qarşısının alınması da ön planda olmalıdır.

Onu da qeyd edək ki, bu ilin oktyabrında ABŞ Milli Təhlükəsizlik Agentliyinin indiki direktoru Kit Aleksander milli kəşfiyyatın böyük biznes və bank sferasına kiberhücumlardan etibarlı qorunmaq üçün kömək etməyə hazır olduğunu bildirib. Belə ki, 10 ildən artıqdır ki, daha mürəkkəb kiber hücumların əsas obyekti məhz maliyyə təşkilatları seçilirlər.

Baxış sayı: 926