XƏBƏRLƏR

Tarix:06/11/18

“Google Chrome”un yeni versiyası qıcıqlandırıcı reklamı bloklayacaq

Bu ilin sonunda təqdim ediləcək “Google Chrome” brauzerinin yeni, 71-ci versiyası istifadəçiləri qıcıqlandıran və aldadan reklam elanlarını bloklaya biləcək. Qaydaları müntəzəm pozanların reklamları blok ediləcək.

“ICTnews” Elektron Xəbər Xidməti “iz.ru” saytına istinadən yazır ki, müştərilərin cəlbi üçün qeyri-etik metodlardan istifadə edən reklamçılar qara siyahıya salınacaq. “Google” belə saytların sahiblərinə bütün qanun pozuntularını aradan qaldırmaq üçün 1 ay vaxt verəcək. İstifadəçi belə reklamlar onu qıcıqlandırmadığı halda bu bloklanmanı deaktiv edə bilər.

Korporasiya, uzun müddət olar ki, vicdansız reklamçılara qarşı mübarizə aparır – “Google Chrome”da öz-özünə işə düşən videolar, üzə çıxan pəncərələr, həmçinin şübhəli saytlara yönləndirmə cəhdi blok edilir.

“Google”un bu təşəbbüsü internet reklam bazarına ciddi təsir göstərəcək, çünki “Chrome” brauzeri dünya ölkələrinin əksəriyyətində liderlik edir.

Emil Hüseynov

Baxış sayı: 540