XƏBƏRLƏR

Tarix:12/12/18

Kvant kompüterinin yaradılmasını sürətləndirəcək optik mikroçip hazırlanıb

Beynəlxalq alimlər komandası potensial olaraq yeni dərman preparatları hazırlaya bilən və enerjiyə qənaət metodlarını optimallaşdıracaq optik kompüterin yaradılması istiqamətində böyük irəliləyiş əldə ediblər.

“ICTnews” Elektron Xəbər Xidməti “naked-science.ru” saytına istinadən yazır ki, alimlər kvant hesablamaları üçün lazım olan və sıxılmış vakuum kimi tanınan işığın müəyyən vəziyyətinin generasiyası, manipulyasiyası və qeydiyyatı üçün ilk optik mikroçip hazırlayıblar. Optik mikroçip kvant kompüterlərin yaradılması üçün lazımi standart funksiyalara malikdir.

"Biz bu qurğunun köməyilə müəyyən problemləri müasir kompüterlərdən daha sürətli həll edəcək optik kvant kompüterinin yaradılması istiqamətində mühüm texnoloji irəliləyiş etdik" – Avstraliya Milli Universitetinin professoru Eleanor Hantinqton deyib.

Eni 1,5 sm, uzunluğu 5 sm və qalınlığı 0,5 sm olan mikroçipin daxilində işıqla qarşılıqlı əlaqədə olan komponentlər yerləşir.

Emil Hüseynov

Baxış sayı: 410