“Huawei” şirkətinə “SD” kartlarından istifadə qadağan olunub
“Secure Digital Memory Card” (SD) məhsulları üçün standartlara nəzarəti həyata keçirən “The SD Association” Assosiasiyası Çinin “Huawei” şirkətini öz sıralarından xaric edib. Assosiasiyanın qərarına görə, şirkət “SD” tipli yaddaş kartlarını dəstəkləyən qurğuları istehsal etmək hüququndan məhrum edilib.
“ICTnews” Elektron Xəbər Xidməti “NEWSru” resursuna istinadən yazır ki, assosiasiya nümayəndələrinin sözlərinə görə, təşkilat sıralarından xaric edilməyə səbəb kimi ABŞ-ın Çin şirkətinə qarşı tətbiq etdiyi sanksiyalar qeyd olunur. “9to5Google” nəşrinin məlumatına görə, bu, “Huawei” üçün böyük zərbə ola bilər.
Öz növbəsində “Huawei” şirkətinin nümayəndələri qeyd edib ki, yeni qadağa artıq buraxılmış smartfonlara şamil edilməyəcək. Bununla yanaşı, şirkət tədricən qurğularda “SD” kartlarından istifadədən yayınaraq bunun əvəzinə “nano-SIM” ilə müqayisə edilən “NanoMemory” formatına keçməyi planlaşdırır.
Bir müddət əvvəl Çin Dövlət Əqli Mülkiyyət İşləri İdarəsi “Huawei Hongmeng” əmtəə nişanını qeydiyyata alıb. Məhsulun adı əməliyyat sistemləri üçün də istifadə olunacaq ki, bu da Çin istehsalçısının əməliyyat sisteminin adı ilə bağlı yayılan məlumatları təsdiq edir.
Nizam Nuriyev
Baxış sayı: 621
© İstifadə edilərkən İctnews-a istinad olunmalıdır
Oxşar xəbərlər
- Şifrənin əvəzinə gözün quzehli qişası
- Ucqar dağ kəndlərində hər bir ev üçün ADSL
- Yardımlı rabitəsi də TAE xəttinə qoşulacaq
- Səhiyyə Nazirliyindən online nəzarət sistemi
- “B&B TV Naxçıvanda da fəaliyyət göstərəcək
- Ölkəmizdə "nağdsız cəmiyyət” qurulur
- Xınalıqda sürətli internet
- “Xalq kompyuteri” layihəsi kəndlərdə
- Ölkəmizin nəhəng elektron xəritəsi hazırlanacaq
- “AzEuroTel” MMC oldu
- Ədliyyə Nazirliyi elektron xidmətlər köşkü
- Elektron xidmətlərlə bağlı xüsusi bölmə yaradılacaq
- “Nokia” əməkdaşlarını iPhone-dan istifadə etməyə çağırıb
- Aviabiletlərin elektron qeydiyyatı
- AZAL-dan elektron kartla pulsuz bilet
