XƏBƏRLƏR

Tarix:23/10/19

Sənaye müəssisələrinin 50%-dən çoxu hələ də köhnə sistemlərin idarəetməsi altında işləyir

Sənaye müəssisələrinin şəbəkələrində istifadə olunan kompüterlər hələ də köhnə və dəstəyi bitmiş əməliyyat sistemlərinin idarəetməsi altında işləyir.

"ICTnews" Elektron Xəbər Xidməti "securitylab.ru" saytına istinadən yazır ki, sənaye şəbəkələrinin 62%-də "Windows" əməliyyat sisteminin "Windows XP" və "Windows 2000" kimi köhnə versiyalarının idarəetməsi altında işləyən qurğulardan istifadə edilir. Dəstəyi 2020-ci ilin yanvarında bitəcək "Windows 7" sistemini də nəzərə aldıqda bu göstərici 71% təşkil edir. Belə informasiya "CyberX" şirkətinin 2018-ci ilin oktyabrından 2019-cu ilin oktyabrınadək dünyanın 1800-dən çox şəbəkəsindən toplanmış məlumatlara əsaslanan "2020 Global IoT/ICS Risk Report" adlı hesabatında qeyd edilib.

"Windows"un köhnə versiyalarından istifadə şirkətləri ciddi riskə məruz qoyur, çünki cinayətkarlar boşluqların köməyi ilə sistemlərə müdaxilə edə bilərlər. Bu sistemlərdə informasiya və PoC-kodlar adətən ümumi girişdə yerləşdirilir. "Microsoft" təhlükəli boşluqlar üçün düzəlişlər çıxarsa belə bütün müəssisələr sənaye sistemlərində sözügedən düzəlişləri tətbiq edə bilməyəcək.

Emil Hüseynov

Baxış sayı: 862