12px13px15px17px
Tarix:12/04/18

İnsanın kosmosa ilk uçuşundan 57 il ötür

Bu gün Ümumdünya Aviasiya və Kosmonavtika Günü qeyd edilir. 1961-ci il aprelin 12-də kosmosa ilk uçuş həyata keçirilib. Kosmosu ilk fəth edən insan kimi tarixə Yuri Qaqarin düşüb.
 
Kosmonavtikanın inkişafına xüsusi töhfə verən insanlar arasında azərbaycanlı Kərim Kərimovun adı da  çəkilir. Kosmik aparatların yaradılmasında, dünyada ilk dəfə insanın kosmosa göndərilməsində onun rolu böyükdür.  Təsadüfi deyil ki, ilk kosmonavt Yuri Qaqarinin tarixi uçuşu uğurla başa çatdıqdan sonra Kərim Kərimov keçmiş SSRİ-nin ən yüksək ordeninə layiq görülüb.
 
Bu gün ölkəmizdə kosmik sənayenin inkişafı əsas prioritetlərdən biri hesab olunur. 
 
Azərbaycanda  kosmik sənayenin təməli ümummilli lider Heydər Əliyev tərəfindən qoyulub. Belə ki, kosmik informasiyanın qəbulu və emalı işlərinə 1974-cü ildə Bakıda kosmik texniki vasitələrdən istifadə etməklə, təbii ehtiyatların tədqiqi üzrə Cənub-Şərq Mərkəzinin yaradılması ilə başlayıb. Həmin ildə Azərbaycan Elmlər Akademiyasının nəzdində “Kosmik cihazqayırma məxsusi konstruktor bürosu” yaradılıb və kosmik tədqiqatların aparılması ilə ölkəmizdə yeni olan kosmik sənayenin əsası qoyulub.
 
Azərbaycan Respublikasının Prezidenti İlham Əliyev tərəfindən 2009-cu ilin avqust ayında “Azərbaycan Respublikasında kosmik sənayenin yaradılması və inkişafı üzrə Dövlət Proqramı”nın təsdiq edilməsi haqqında Sərəncam imzalanması ilə ölkəmizdə kosmik sənayenin inkişafının yeni mərhələsi başladı. Azərbaycan Respublikası Prezidentinin 2010-cu il 3 may tarixli Sərəncamı ilə telekommunikasiya peykinin hazırlanması, orbitə çıxarılması, idarə olunması və istismar işlərinin həyata keçirilməsini təmin etmək məqsədi ilə Rabitə və İnformasiya Texnologiyaları Nazirliyinin tabeliyində “Azərkosmos” Açıq Səhmdar Cəmiyyəti (“Azərkosmos” ASC) təsis edilib.
 
“Azərkosmos” ASC-nin operatoru olduğu “Azerspace-1” telekommunikasiya peyki 8 fevral 2013-cü il tarixində Fransız Qvianasında (Cənubi Amerikada, Fransanın inzibati idarəçiliyində olan region) yerləşən Kuru kosmodromundan, Qviana Kosmik Mərkəzindən orbitə buraxılıb. Hazırda, “Azerspace-1” peyki vasitəsilə teleradio yayımı və telekommunikasiya xidmətlərinin göstərilməsi, hökumət və korporativ müştərilərin, eləcə də, özəl sektordan olan müştərilərin birbaşa peyk yayımı, səs, video, məlumat, mobil rabitə xidmətləri ilə  təmin edilməsi həyata keçirilir.
 
Ölkəmizdə kosmik sənayenin inkişafı istiqamətində fəaliyyət davamlıdır. 2014-cü ildə  ölkəmiz üçün əlamətdar hadisələrdən biri də Azərbaycan və Fransa arasında strateji əməkdaşlıq çərçivəsində Azərbaycanın sayca ikinci, təyinatına görə Yer səthinin məsafədən müşahidə peyki olan “Azersky”-ın “Azərkosmos” tərəfindən təhvil alınması oldu.
 
Beləliklə, “Azərkosmos” Yer səthinin məsafədən müşahidəsi üzrə kommersiya fəaliyyətinə başladı. “Azersky” peykinin müdafiə, təhlükəsizlik, fövqəladə hallar, təbii ehtiyatların tədqiqi, dənizçilik, ətraf mühitin mühafizəsi, şəhərsalma, xəritəçəkmə, kənd təsərrüfatı, turizm və s. kimi geniş tətbiq sahələri var.
 
Dövlət başçısının 17 oktyabr 2017-ci il tarıxlı Sərəncamına əsasən Nazirlər Kabinetinin tabeliyinə keçirilən “Azərkosmos”un gələcək planlarına xidmət spektrinin və fəaliyyət coğrafiyasının genişləndirilməsi, yeni müştərilərin cəlb olunması ilə yanaşı, 2018-ci il mayın 25-də orbitə buraxılması nəzərdə tutlulan “Azerspace-2” vasitəsilə Avropa, Mərkəzi və Cənub-Qərbi Asiya, Yaxın Şərq və Tropik Afrika ölkələrində şəbəkə xidmətləri sahəsində artmaqda olan tələbləri qarşılamaq və etibarlı xidmət göstərmək daxildir.

Nizam Nuriyev





Baxış sayı: 70

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






25 Sentyabr 2018

25/09/18
Smartfonların 88 faizi “Android” sistemi ilə işləyir

Dünyanın ən populyar mobil əməliyyat sistemi olan “Android” on yaşını qeyd edir.

25/09/18
“Chrome” brauzerinin yeni versiyası istifadəçilərin razılığı olmadan onları avtorizasiya edir

İnformasiya təhlükəsizliyi üzrə ekspertlər “Chrome” brauzerində istənilən qurğuda avtomatik avtorizasiya 

25/09/18
Dünyada ilk sürücüsüz tramvay nümayiş etdirilib

“Siemens” şirkəti “İnnoTrans-2018” dəmir yolu nəqliyyatı və innovasiyaları sərgisində “Combino” adlı 

25/09/18
“iPhone” və “iPad” qurğularına hücum edən yeni virus aşkarlanıb

“Kasperski laboratoriyası” şirkəti əvvəllər “Android” qurğu istifadəçilərini təhdid edən “Roaming 

24 09 2018

24/09/18
“İdeyadan Biznesə” layihəsi çərçivəsində ali təhsil müəssisələrində startap turlarının keçirilməsinə başlanıb

Bu gündən etibarən “İdeyadan Biznesə” layihəsi çərçivəsində ali təhsil müəssisələrində startap turlarının 

24/09/18
Bakıda ilk Beynəlxalq Elektron Ticarət Forumu keçirilir

Nəqliyyat, Rabitə və Yüksək Texnologiyalar Nazirliyinin təşəbbüsü, Avropa İttifaqının və BMT-nin Ticarət və İnkişaf

24/09/18
Özü süni hesablama apara bilən qurğuların tədarük həcmi yüksəlir

“Tractica” analitik şirkətinin məlumatına görə, hazırda süni intellektin köməyi ilə məlumatların işlənməsi

24/09/18
İsraildə yüksəksürətli “hava qatarı” tikiləcək

İsrailin sürətlə inkişaf edən Netaniya şəhərində ölkədə ilk maqnitoplan – “hava qatarı” (Skytrain) 

24/09/18
“Apple” şirkəti istifadəçiləri izləyir?

“Apple” şirkəti “iOS 12” mobil əməliyyat sisteminə zəngləri və elektron yazışmanı izləmək imkanı əlavə 

24/09/18
“Windows” sisteminin idarəetməsi altında işləyən bütün kompüterlər təhlükə altındadır

“Zero Day Initiative”in kibertəhlükəsizlik sahəsində mütəxəssisləri tərəfindən 4 ay bundan əvvəl “Windows

24/09/18
Marsda su axtaracaq qurğunun sınaqları keçirilib

İtaliya astronavtları Marsın gələcək sakinlərinə su axtarışında kömək edəcək radarın uğurlu sınaqlarını 

24/09/18
Küləyin əsməsini və su damcılarını hiss edən elektron dəri hazırlanıb

Mütəxəssislər robotların görünüş və imkanlarını yaxşılaşdırmağa davam edirlər. Robot texnikası mühəndisləri 

24/09/18
“Apple” rəhbəri yeni “iPhone” modellərinin nəyə görə baha olmasını izah edib

“Apple” şirkətinin rəhbəri Tim Kuk yeni “iPhone” modellərinin qiymətinin bahalığını onların indiyədək