12px13px15px17px
Tarix:11/07/18

“iPhone X” və “iPhone SE” smartfonlarının istehsalı dayandırılacaq

“Apple” şirkəti bu ilin üçüncü rübündə “iPhone X” və “iPhone SE” smartfon modellərinin istehsalını dayandırmağı planlaşdırır.

“ICTnews” Elektron Xəbər Xidməti “Vista News” resursuna istinadən yazır ki, bu, istehsalçı şirkətin diqqəti yeni “iPhone 9”, “iPhone 11” və “iPhone 11 Plus” modellərinin hazırlanması və buraxılışına yönəltmək istəməsi ilə izah edilir. “iPhone X” və “iPhone SE” smartfonlarının cəmiyyətdə çox populyarlıq qazanması səbəbindən “Apple” gələcək satışların mümkün uğursuzluğundan ehtiyat edərək onların 2018-ci ilin payızından etibarən satışdan çıxarılması ilə bağlı qərar qəbul edib.

Bundan əvvəl bu ilin payızında “iPhone SE” modelinin qiymətinin ucuzlaşması barədə məlumatlar yayılıb. Bundan başqa, şirkət nümayəndələri bildirib ki, “iPhone SE 2” buraxılmayacaq, çünki model qabaqcıl “iPhone” smartfonlarına ciddi rəqib olacaq, eləcə də böyük gəlir gətirməyəcək.

“iPhone X” modeli satışdan çıxarıldıqdan sonra “Apple” şirkəti məşhur smartfonun yenilənmiş modellərinə tələbatın artacağını proqnozlaşdırır. ABŞ istehsalçısı 2018-ci ilin sonunadək 91 milyon, 2019-cu ilin ortalarınadək isə 92 milyon yenilənmiş model tədarük etməyi nəzərdə tutur.

Nizam Nuriyev





Baxış sayı: 433

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024