12px13px15px17px
Tarix:12/10/18

Süni intellekt elektron ticarətə uğur qazandırır

Elektron ticarətdə süni intellektdən istifadə ümumilikdə effektiv nəticələr verir. Bu barədə “Gartner” analitik şirkətinin internet ticarəti sahəsində fəaliyyət göstərən 300 şirkət arasında keçirdiyi qlobal sorğunun nəticələrində deyilir.

“ICTnews” Elektron Xəbər Xidməti “DailyComm” resursuna istinadən yazır ki, sahə üzrə təşkilat və müəssisələrin 70 faizi bildirib ki, onların süni intellekt layihələri uğurlu olub. Respondentlərin dörddə üç hissəsi müxtəlif bazar göstəricilərinin ikirəqəmli templərlə (10 faizdən çox) artdığını qeyd edib. Məsələn, satışlar və müştəri məmnunluğu yaxşılaşıb, eləcə də xərclər azalıb.

Tədqiqatçıların proqnozlarına görə, 2020-ci ilədək süni intellekt elektron kommersiya bazarı şirkətlərinin 60 faizində bu və ya digər şəkildə tətbiq ediləcək, bu biznesdə mədaxil artımının 30 faizi isə süni intellekt texnologiyalarının payına düşəcək.

İnternet ticarəti ilə məşğul olan şirkətlər süni intellekt həllərindən ilk növbədə müştərilərin üstünlükləri barədə məlumatların tərtib edilməsi, məhsulların paylanılması və fırıldaqçılıq hallarının aşkarlanması üçün istifadə edirlər.

Süni intellektin uğurlu istifadəsinə baxmayaraq şirkətlər texnologiyanın tətbiqi zamanı ciddi problemlərlə üzləşirlər. Məsələn, sorğu internet biznesinin sistemlərin keyfiyyətli təlimi (bunu rəyi soruşulanların 29 faizi bildirib) üçün məlumatlara və şirkətdə müvafiq bacarıqlara (27 faiz) malik olmamasını göstərib. Nəticədə texniki mütəxəssislər işə qəbul edilir və ya tərəfdaşlar cəlb olunur.

Nizam Nuriyev





Baxış sayı: 188

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






16 Dekabr 2018

15 12 2018

15/12/18
“Facebook”da təxminən 7 milyon istifadəçinin şəkli açıq girişdə əlçatan olub

“Facebook”un rəhbərliyi bildirib ki, 6,8 milyon istifadəçinin şəxsi şəkli məxfilik 

15/12/18
Kiçik bağlamaların çatdırılması üçün “Serve” adlı robot-kuryer təqdim edilib

ABŞ-ın “Postmates” loqistika operatoru çəkisi 22 kq-dək olan bağlamaları 48 km-dək daşıya biləcək

15/12/18
Smartfondan idarə olunan “ağıllı” həb hazırlanıb

Massaçusets Texnologiya İnstitutu, Dreyper Universiteti və Briqama Qadın xəstəxanasından olan alimlər heyəti