12px13px15px17px
Tarix:05/12/18

Regional Rabitə Birliyinin İcraiyyə Komitəsinin baş direktoru Nurudin Muhitdinovun 24-cü Azərbaycan beynəlxalq telekommunikasiya, innovasiya və yüksək texnologiyalar – “Bakutel-2018” sərgi və konfransı iştirakçılarına təbriki

(4-7 dekabr 2018-ci il, Bakı ş., Azərbaycan Respublikası)
 
Hörmətli konfrans iştirakçıları, xanımlar və cənablar!
 
İcazə verin, 24-cü Azərbaycan beynəlxalq telekommunikasiya, innovasiya və yüksək texnologiyalar – “Bakutel-2018” sərgi və konfransının bütün iştirakçılarını salamlayım.
 
Regional Rabitə Birliyinin beynəlxalq “Bakutel” sərgi və konfransında dövlət idarələri, tənzimləyici strukturlar, elmi dairələr və beynəlxalq təşkilatların, eləcə də Regional Rabitə Birliyinə (RRB) daxil olan ölkələrlə yanaşı, digər ölkələri də təmsil edən iri şirkətlərin çoxsaylı nümayəndələrini cəlb etməklə illik iştirakı ənənəvi hal alıb.

Regional Rabitə Birliyinin daimi iştirakçısı olduğu bu tədbir informasiya-kommunikasiya sahəsində, o cümlədən telekommunikasiya şəbəkələri, genişzolaqlı rabitə texnologiyaları, peyk rabitəsi, radio və televiziya yayımı, informasiya texnologiyaları, təhlükəsizlik sistemləri, elektron hökumət, elektron biznes və digər sahələrin inkişafının ən aktual və vacib aspektlərinin nümayişi və müzakirəsi üçün platforma rolunu oynayır.
 
Bununla yanaşı, belə beynəlxalq tədbirin illik əsasda keçirilməsi təcrübə mübadiləsinə, yeni əlaqələrin qurulmasına və rəqəmli iqtisadiyyat quruculuğunda və rabitə və informatizasiya sahəsində qarşıya qoyulan vəzifələrin həlli üçün konseptual yanaşmaların işlənib hazırlanmasına xidmət edir.
 
Bu gün informasiya-kommunikasiya texnologiyalarının inkişaf səviyyəsi və bütün sahələrdə tətbiq edilməsi bizim regionun rəqəmli iqtisadiyyatının inkişafında, RRB ölkələrinin rəqabət qabiliyyətinin artırılmasında əsas rol oynayır, Dayanıqlı İnkişaf Məqsədlərinə və effektiv dövlət idarəçiliyinə nail olmağa xidmət edir, dövlət, vətəndaşlar və biznes arasında əməkdaşlığın genişləndirilməsini təşviq edir.
Bu baxımdan illik beynəlxalq “Bakutel” sərgisi iştirakçılara Azərbaycan Respublikasında İKT sektorunun uğurlu və mütərəqqi inkişafını bariz şəkildə nümayiş etdirir.
 
Genişzolaqlı internet vasitəsilə müasir vasitələrə çıxışın təmini, rəqəmli televiziyaya keçid və dördüncü nəsil mobil rabitə şəbəkəsinin tətbiqi Azərbaycan Respublikasına qlobal informasiya infrastrukturunda qabaqcıl yerləri tutmağa imkan verir.
 
Azərbaycan Respublikası rabitə administrasiyasının beynəlxalq arenada fəal iştirakı Regional Rabitə Birliyinin böyük beynəlxalq forumlarda – Beynəlxalq Telekommunikasiya İttifaqının Səlahiyyətli Konfransı, Ümumdünya Radiorabitə Konfransı, Telekommunikasiyanın İnkişafı üzrə Ümumdünya Konfransı, Telekommunikasiyanın Standartlaşdırılması üzrə Ümumdünya Assambleyası,  Ümumdünya Poçt İttifaqının Konqresində göstərdiyi birgə təşəbbüsləri dəstəkləyir.
 
Bundan başqa, Azərbaycan Respublikasının rabitə administrasiyası cəmiyyətin müasir qlobal problemlərinin bütün spektrini əhatə edən Dayanıqlı İnkişaf Məqsədlərinin həyata keçirilməsi üzrə tədbirləri fəal şəkildə həyata keçirir.
 
Əminəm ki, Azərbaycan Respublikasının rabitəçilərinin peşəkarlığı qloballaşan dünyada insanların rifah halının yaxşılaşdırılmasına, regional təsir rolunun möhkəmlənməsinə və eləcə də dövrümüzdə telekommunikasiya bazarının inkişafına xidmət edəcək.  
 
“Bakutel” sərgisi öz mövqeyini ildən-ilə möhkəmləndirməklə yanaşı, Azərbaycan Respublikasının telekommunikasiya bazarında aparıcı tədbirə və bu bazarın ayrılmaz tərkib hissəsinə çevrilir.
 
Həmçinin bir daha əminliklə qeyd etmək istəyirəm ki, hazırkı təcrübə mübadiləsi İKT-nin inkişafı üzrə təkcə Azərbaycan Respublikasında deyil, ümumilikdə RRB-də informasiya cəmiyyətinin inkişafına əhəmiyyətli dərəcədə təsir edəcək həllər və təkliflər tapmağa imkan verəcək.
 
Bir çox ölkələrdən ekspertlərin, peşəkarların diqqətini cəlb edən “Bakutel” sərgisi telekommunikasiya və informasiya texnologiyaları sahəsində əldə olunan nailiyyətləri nümayiş etdirmək üçün mühüm və aktual platformadır, eləcə də təcrübə mübadiləsinə, müxtəlif səviyyələrdə danışıqların aparılmasına və s. imkan verir.
 
Azərbaycan beynəlxalq telekommunikasiya, innovasiya və yüksək texnologiyalar – “Bakutel-2018” sərgi və konfransının bütün iştirakçılarına konstruktiv dialoq, eləcə də uğurlu və səmərəli iş arzu edirəm!




Baxış sayı: 187

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 May 2019

23 05 2019

23/05/19
Səs vasitəsilə məlumatların ötürülməsi texnologiyası hazırlanır

M. A. Bonç-Brueviç adına Sankt-Peterburq Dövlət Telekommunikasiya Universitetinin radiorabitə və yayım

23/05/19
“Rəqəmsal iqtisadiyyatın əsası kimi İKT infrastrukturu” mövzusunda beynəlxalq seminar keçirilib

Ukraynanın paytaxtı Kiyevdə Avropa və MDB ölkələrində “Rəqəmsal iqtisadiyyatın əsası kimi İKT infrastrukturu

23/05/19
“WhatsApp” reklam nümayişinə başlamağı planlaşdırır

“WhatsApp” messencerinin sahibi “Facebook” şirkəti reklam nümayiş etdirməklə sözügedən xidmətdən pul qaza

23/05/19
Kiberhücumların 98 faizini aşkarlayan mühafizə sistemi yaradılır

Rusiyanın İnnopolis Universitetinin İnformasiya Təhlükəsizliyi Mərkəzinin alimlər qrupu kiberhücumlardan

23/05/19
“Android” sistemi üçün “Tor” brauzerinin rəsmi versiyası buraxılıb

“Tor Project” qeyri-kommersiya təşkilatı “Android” əməliyyat sistemi üçün “Tor” anonim brau

23/05/19
Bakı Beynəlxalq Avtovağzal Kompleksinin ərazisindəki Nəqliyyat Qovşağında məlumat lövhələri quraşdırılıb

Bakı Beynəlxalq Avtovağzal Kompleksinin köməkçi sahəsində bir müddət öncə sərnişinlərin ixtiyarına ver

23/05/19
“DDoS”-hücumların sayı 84% yüksəlib

"Kasperski Laboratoriyası" antivirus şirkətinin məlumatına əsasən, 2019-cu ilin birinci rübündə dünyada

23/05/19
"Bakı Telefon Rabitəsi" MMC ("Baktelecom") yay mövsümü ilə əlaqədar “Simsiz rabitə” şəbəkəsinin tutumunu artırır

Nəqliyyat, Rabitə və Yüksək Texnologiyalar Nazirliyi, “Bakı Telefon Rabitəsi” MMC yay mövsümündə Bakı ətrafı 

23/05/19
Qubada Qarabağ müharibəsi əlilləri üçün tikilən bina rabitə xidmətləri ilə təmin olunub

Nəqliyyat, Rabitə və Yüksək Texnologiyalar Nazirliyinin “Aztelekom” Məhdud Məsuliyyətli Cəmiyyəti Qubad

23/05/19
“Samsung” 5 qat zum xüsusiyyətinə malik smartfon kamerası hazırlayıb

“Samsung Electro-Mechanics” (SEM) şirkəti smartfonlar üçün 5 qat zum xüsusiyyətinə malik fotomodul hazır

23/05/19
Bağlamaların çatdırılması üçün gəzən robotlar yaradılıb

ABŞ-ın “Agility Robotics” startapı bağlamaların çatdırılması üçün “Digit” adlı yeriyən