“Nokia” yeni smartfonlar təqdim edəcək
“İCTnews” elektron xəbər xidməti “digit.ru” resursuna istinadən xəbər verir ki , “Nokia” şirkəti fevral ayının 27-si tarixində İspaniyada keçiriləcək “Mobile World Congress” (MWC) sərgisi çərçivəsində yeni smartfonlar təqdim edəcək.
Təqdim ediləcək smartfonlardan biri yüksək kəskinlikli kamera ilə təchiz ediləcək. Bu barədə etibarlı mənbələrə istinadən “Bloomberg” yazıb. Bu aparat “Symbian” platformasında işləyəcək.
“Röyters” xəbər agentliyinin məlumatına görə, Finlandiya istehsalçısı “MWC” sərgisində, həmçinin “Windows Phone” əməliyyat sistemi əsasında işləyəcək ucuz “Lumia 610” aparatını təqdim edəcək.
“Strategy Analytics” analitik şirkətinin məlumatına görə, “Nokia” şirkəti 2011-ci ilin dördüncü rübündə smartfon bazarının 12,6%-nə nəzarət edib.
Qeyd edim ki, “Mobile World Congress” dünyada mobil rabitəyə həsr edilmiş ən böyük sərgidir. Sərgi fevralın 27-dən martın 1-dək İspaniyanın Barselona şəhərində keçiriləcək.
EMİL
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
