Mətbuat xidmətlərinin İKT-nin ən yeni metodlarının tətbiqində rolu
İyulun 9-10-da Qubada Azərbaycan Mətbuat Şurasının Avropa Şurasının ölkəmizdəki nümayəndəliyi ilə birgə layihəsi çərçivəsində mətbuat xidmətləri təmsilçilərinə ilk treninq-məşğələ keçiriləcək. MŞ-nin Avropa Şurasının ölkəmizdəki nümayəndəliyi ilə birgə layihəsindən məqsəd mətbuat xidməti institutunun ümumilikdə ictimaiyyətlə əlaqələr sektorunda oynadığı rolun kompleks təhlilini aparmaqdan, informasiya-kommunikasiya texnologiyalarının ən yeni metodlarının tətbiqində bu qurumların rolu və mövqeyinin artırılması xüsusiyyətlərini müəyyənləşdirməkdən, mövcud istiqamətdəki problemlərin aradan qaldırılmasına effektiv təsir göstərməkdən ibarətdir.
Tədbirə Xızı, Siyəzən, Şabran, Qusar və Xaçmaz rayonlarının yerli hakimiyyət orqanlarının mətbuat xidmətləri təmsilçiləri qatılacaqlar. Treninq-məşğələdə, həmçinin nazirlik və dövlət komitələrinin mətbuat xidməti və ictimaiyyətlə əlaqə bölmələri rəhbərlərinin iştirakı da nəzərdə tutulur. Qeyd edək ki, layihə çərçivəsində ikinci treninq-məşğələnin iyul ayının 30-31-də Tərtər rayonunda təşkili planlaşdırılır.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
