“HDD” sənayesi bərpa olunur
2011-ci ildə “HDD” sənayesində bəzi problemlər yaşandı. Belə ki, 2010-cu illə müqayisədə sərt disk tədarükləri 4,5% azaldı. Lakin “International Data Corporation” (IDC) mütəxəssisləri qeyd ediblər ki, yaxın bir neçə ay ərzində “HDD” sənayesi keçən ildə baş vermiş təbii fəlakət nəticələrinin öhdəsindən tamamilə gələcək.
“İCTnews” elektron xəbər xidməti bildirir ki, 2012-ci ilin ikinci yarısından etibarən sərt disklərin və onların komponentlərinin istehsal həcmi əvvəlki səviyyəsini bərpa edə biləcək. Mütəxəssislərin yeni proqnozuna əsasən, 2012-ci ildə sərt disklərin illik təchizat həcmi 7,7% artacaq, 2011-2016-cı illər ərzində isə illik orta artım sürəti (CAGR) 9,6% təşkil edəcək.
Məlumat üçün bildirim ki, Taylandda baş vermiş daşqından sonra “HDD” sənayesində yaranmış tələbat və təklif tənasübsüzlüyünə görə sərt disklər nəzərə çarpacaq dərəcədə bahalaşmışdı.
“IDC” analitik şirkəti hesab edir ki, 2012-ci ildə “HDD” satışlarından əldə edilən mənfəət sərt disklərin tədarük həcmlərinin sayı ilə müqayisədə daha sürətli artacaq.
EMİL
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
