Azərbaycanda nağdsız əməliyyatlarla bağlı xüsusi qərargah yaradılıb
Ölkə ərazisində aparılan əməliyyatların nağdsız qaydada həyata keçirilməsi ilə əlaqədar görülən işlərin icrasına nəzarət etmək məqsədilə xüsusi qərargah yaradılıb. Bu qərargahın fəaliyyəti, işlərin koordinasiyalı şəkildə qurulması, eləcə də prosessinq mərkəzləri ilə aparılmış danışıqlar nəticəsində POS-terminalların qeydiyyatı, quraşdırılması və tətbiqi prosesinin sadələşdirilməsi ümumilikdə ticarət və xidmət obyektlərinin POS-terminallarla təchiz olunması prosesinə təkan verib, qısa müddət ərzində ciddi dəyişikliklərə nail olunub.
“İCTnews” elektron xəbər xidmətinin məlumatına görə, bu barədə Vergilər Nazirliyinin məlumatında deyilir.
Məlumatda bildirilir ki, bank ekvayerlərinin prosesə fəal şəkildə qoşulması nəticəsində ölkəyə zəruri sayda POS-terminal gətirilib, cari ilin fevral ayından may ayının 15-dək Bakı şəhərində 14 min obyektdə 17 mindən çox POS-terminal qeydiyyatdan keçirilib.
Bütövlükdə Bakı şəhəri və turizm xəritəsinə aid olan mərkəzlərdə fəaliyyət göstərən mehmanxanalarda, ticarət, iaşə, istirahət və əyləncə obyektlərində, taksilərdə, yanacaqdoldurma məntəqələrində, tibb xidməti göstərən, əczaçılıq mallarının satışı ilə məşğul olan obyektlərdə və digər sahələrdə POS-terminalların quraşdırılması işi əsasən yekunlaşdırılıb.
Hazırda respublika üzrə 26443 obyektdə 30940 aktiv POS-terminal qeydiyyata alınıb ki, bunun da 93,7%-i və ya 28976 ədədi Bakı şəhərinin ərazisində yerləşən obyektlərdədir.
CAHANGİR
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
