SİM-kartlar üçün yeni standart təsdiq edilib
Mobil rabitə sahəsində standartların hazırlanmasına və qəbuluna məsul olan Avropa Telekommunikasiya Standartları İnstitutu (European Telecommunications Standards Institute, ETSI) SİM-kartlar üçün yeni “nano-SİM” standartını təsdiq edib. Üstünlük öz layihələrini təklif edən digər şirkətlərin təzyiqi atında dəyişikliklərə məruz qalan “Apple” şirkəti tərəfindən təklif edilən modula verilib.
“Onliner”in məlumatına görə, yeni SİM-kart mövcud “micro-SİM”-dən 40 faiz kiçikdir. Yeni SİM-kartın uzunluğu 12,3 mm, eni 8,8 mm, qalınlığı 0,67 mm təşkil edir. “Nano-SİM əvvəlki standartlar kimi funksionallıq təklif edir və əks-uyğunluğa malikdir.
SİM-kartın ölçüsünün azaldılması smartfon daxilində yerə qənaət etməyə imkan verməklə qurğunun korpusunun daxilindəki boş yerlərdən digər məqsədlər üçün istifadəyə şərait yaradır.
Standartın qəbul edilməsi “ETSI”-nin xüsusi komissiyasının üzvləri – “Apple” və onun mobil bazardakı rəqibləri “Nokia”, “RIM” və “Motorola” şirkətləri arasında yaranan fikir ayrılığına görə təxirə salınmışdı. Məhz bu səbəbdən standartla bağlı səsvermə planlaşdırılan müddətdən bir neçə ay gec keçirilib.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
