MTRŞ sədri uşaq televiziyasının yaradılması məsələsinə münasibət bildirdi
Bir müddət öncə «ELS» Müstəqil Araşdırmalar Mərkəzi ölkədə uşaq televiziyasının yaradılması ilə bağlı müraciət etmişdi. Mərkəz Azərbaycanda uşaq televiziyasına böyük ehtiyacın olduğunu vurğulayaraq qeyd etmişdi ki, hazırda telekanallarımızda uşaq proqramlarının azlığı belə bir zərurəti meydana gətirir.
Milli Televiziya və Radio Şurasının (MTRŞ) sədri Nuşirəvan Məhərrəmli uşaq televiziyasının yaradılması məsələsinə münasibətini açıqlayıb. “İCTnews” elektron xəbər xidmətinin məlumatına görə, şura sədri bildirib ki, Azərbaycan cəmiyyəti uşaq televiziyasının yaradılmasına hazır olmalıdır: «Hesab edirəm ki, biz hələ buna hazır deyilik.
Bununla bağlı dövlət vəsait ayırmalı, hazırlıq işləri aparılmalı, uşaq filmləri və verilişləri çəkilməlidir ki, uşaq televiziyası da yaradılanda orada verməyə nəsə olsun. Əgər dövlət vəsait ayırarsa, bu işdə müsbət irəliləyiş ola bilər. Ancaq bununla bağlı ortada real bir iş yoxdur. Ona görə də düşünürəm ki, belə bir televiziyadan danışmaq hələ bir qədər tezdir”.
SEYMUR
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
