Cənubi Koreyada smartfon istifadəçilərinin sayı 30 milyonu ötüb
2012-ci ilin avqustuna olan məlumata görə, Cənubi Koreyada smartfon istifadəçilərinin sayı 30 milyonu ötüb. Beləliklə, Cənubi Koreya dünya liderləri siyahısına düşüb. “ICTnews.az” elektron xəbər xidməti “itar-tass.com” saytına istinadən bildirir ki, bu göstərici mobil rabitə xidmətləri sahəsində üç aparıcı operatordan biri olan “Key Ti” şirkətinin Amerikanın “Apple” şirkətinin “iPhone” smartfonunu satışa çıxardıqdan 2.5 il sonra əldə olunub.
Hazırda hər on cənubi koreyalıdan 6-sı smartfon istifadə edir. 2011-ci ilin iyulunda “LTE” texnologiyasının yaranması mobil rabitə bazarının inkişafına güclü təkan verdi. Məsələn, filmlərə rahat baxmaq və sayılı saniyələr ərzində tammetrajlı filmləri yükləmək imkanı yarandı. Hazırda Cənubi Koreyada smartfon istifadəçilərinin 30 faizi bu şəbəkələrə qoşulub.
Lakin texniki inkişaf müəyyən təhlükələr də yaradıb. Smartfondan asılılıq Cənubi Koreyada ciddi sosial problemə çevrilib. Koreyanın Rabitə komitəsinin məlumatlarına əsasən, hər 10 smartfon istifadəçisinin 7-də asılılıq əlamətləri var və onların 33 faizi sevimli smartfonundan ayrı qaldıqda əsəbiləşməyə başlayırlar. Sorğunun nəticəsinə əsasən, respondentlərin 84 faizi smartfonsuz bir gün belə yaşaya bilməyəcəklərini bildiriblər.
20 faizi isə aparatlarını hər 10 dəqiqədən bir yoxladıqlarını etiraf ediblər. Bununla belə, Cənubi Koreyada smartfondan istifadənin ölümə səbəb olduğu hadisələrin də sayı artır.
Məsələn, ötən həftə ölkənin paytaxtında məktəbli qız özünə qəsd edib. O, ölkənin ən populyar ünsiyyət məkanı olan “Kakao Talk”-da ələ salındıqdan sonra özünü çoxmərtəbəli binanın pəncərəsindən atıb.
Bundan əlavə, insanlar avtomobili idarə edən və piyada hərəkət edən zaman mobil telefonla danışdıqda yol-nəqliyyat hadisəsi ilə üzləşirlər.
EMİL
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
