“Samsung” şəffaf ekranların satışlarına sentyabrda başlayacaq (VİDEO)
“Samsung” şirkəti ticari istifadə üçün şəffaf ekranların yaranmasını elan edib. Təqdim edilmiş modellərdən videodivar qurmaq və ya məhsulların təqdimatı üçün kub şəklində hazırlanmış qurğulardan istifadə etmək olar.
“ICTnews.az” elektron xəbər xidməti “onliner.by” saytına istinadən bildirir ki, videodivar üçün nəzərdə tutulmuş panellər 21,6 düym diaqonala və qalınlığı cəmisi 5,5 millimetr təşkil edən çərçivəyə malikdir. Panellərin iş prosesi avqustun 31-i sentyabrın 5-i aralığında Berlində keçiriləcək “IFA 2012” sərgisində nümayiş etdiriləcək.Şəffaf ekranların qiyməti barəsində hələlik informasiya yoxdur.
