“Onlayn jurnalistika”, “Multimedia jurnalistika” kimi yeni media fənlərinin tədrisi ilə bağlı təlimlər keçirilib
Bakı Dövlət Universitetində Amerikanın "Beynəlxalq Tədqiqatlar və Mübadilə Şurası"nın (IREX) Azərbaycan nümayəndəliyinin təşəbbüsü və xarici mütəxəssislərin iştirakı ilə təlim keçirilib. Jurnalistika fakültəsində yeni media fənlərini ("Onlayn jurnalistika", "Multimedia jurnalistika", "Sosial media" və "Yeni mediaya giriş") tədris edən müəllimlər üçün təşkil edilən təlim "Azərbaycan Yeni Media" layihəsi çərçivəsində baş tutub. "ICTnews" elektron xəbər xidmətinə bu barədə Bakı Dövlət Universitetinin (BDU) Mətbuat və informasiya şöbəsindən məlumat verilib.
Universitetlərin jurnalistika fakültələrinin müəllimləri üçün nəzərdə tutulan təlimdə Bakı Dövlət Universitetinin Jurnalistika fakültəsindən – Osman Gündüz, Aynur Kərimova, Könül Niftəliyeva, Aynur Nəsirova və Anzulə Əmirova, Qərb Universitetindən Günel Bilalova, Azərbaycan Universitetindən Lalə Dilanova, Xəzər Universitetindən Cabir Məmmədli, Vəfalı Ənsərov, Naxçıvan Dövlət Universitetindən Seyid Surə, Şəhla Şirəliyeva, Odlar Yurdu Universitetindən İbadət Məmmədov da iştirak edib.
Qeyd edək ki, İREX beynəlxalq humanitar təşkilat olaraq 1998-ci ildən Azərbaycanda nümayəndəliyini təsis edib. Azərbaycanda təhsilin və medianın inkişafına dəstək məqsədilə ABŞ Dövlət Departamentinin Təhsil və Mədəniyyət Bürosunun, habelə USAİD-in maliyyələşdirdiyi müxtəlif proqramlar həyata keçirir.
HƏQİQƏT
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
