“AzDataKom” şəbəkəsinin təqdim etdiyi xidmətlərin çeşidi artırılıb
Müasir informasiya və telekommunikasiya texnologiyaları özünün dinamik inkişaf potensialı ilə ayrı-ayrı müəssisələr və bütövlükdə cəmiyyət qarşısında əmək və məşğulluğun yeni formaları üçün böyük imkanlar yaradır.
Bu imkanların spektri gündən-günə genişlənir. İnformasiya və telekommunikasiya texnologiyalarının müasir mahiyyəti "Elektron hökumət" proqramı şəklində dövlət xidmətlərinin təqdimatıdır. Hal-hazırda Azərbaycanda "Elektron hökumət" proqramı uğurla həyata keçirilir.
Bu proqramın birinci mərhələsi bütün respublikanı əhatə edən vahid korporativ “AzDataKom” şəbəkəsinin yaradılması olub.
Məlumat Hesablama Mərkəzindən “ICTnews” elektron xəbər xidmətinə verilən məlumata görə, davamlı olaraq beynəlxalq təcrübədən istifadə edilməklə “AzDatakom” şəbəkəsinin xidmət sayının və keyfiyyətinin artırılması istiqamətində mühüm tədbirlər həyata keçirilir.
Görülən işlərin nəticəsidir ki, xidmətlərin çeşidi daha da artırılıb. Hazırda şəbəkə vasitəsilə yüksəksürətli internetə çıxış, internet protokol üzərindən səs, virtual özəl şəbəkə, oyunlar və əyləncə, videokonferensiya, distant təhsil, teletibb, axın videosu, sorğuya uyğun video, məlumatın saxlanılması, sifariş və interaktiv xidmətlər təqdim edilir.
Xatırladaq ki, “AzDataKom” istənilən dövlət və özəl sektora aid idarə, bank, müəssisə və təşkilatların, hər hansı ticarət şəbəkəsinin, anbarların və digər biznes strukturları olan iri bir müəssisənin bir-birindən uzaqda yerləşən filiallarının və onların əməkdaşlarının qarşılıqlı əlaqəsinin müəyyən zaman ərzində bir mərkəzdən idarə olunması üçün yüksəksürətli multiservis şəbəkəsinə malikdir.
CAHANGİR
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
