“AmCham Azərbaycan” üzv şirkətlərinin rabitə və informasiya texnologiyaları nazirinin müavini ilə görüşü keçiriləcək
İKT həftəsi çərçivəsində "BakuTel", İnternet İdarəçilik Forumu və "AmCham Azərbaycan"ın "ABŞ-Azərbaycan İKT Forumu"ndan bir həftə öncə, 31 oktyabr 2012-ci il tarixində, Amerika Ticarət Palatası "Hyatt Regency" otelində saat 13:30-da rabitə və informasiya texnologiyaları nazirinin müavini Elmir Vəlizadə ilə görüşə ev sahibliyi edəcək. "ICTnews" elektron xəbər xidmətinə bu barədə "AmCham Azərbaycan"ın əməkdaşı Aylan Ağamalıyeva məlumat verib.
Onun sözlərinə görə, aylıq işgüzar nahar çərçivəsində keçirilən bu tədbirdə "AmCham"ın üzv şirkətlərinin rəhbərləri və əməkdaşları iştirak edəcək: "Tədbirdə iştirak edəcək media nümayəndələrinin mütləq əvvəlcədən qeydiyyatdan keçməsi xahiş olunur. Qeydiyyat "member.service@amchamaz.org" elektron ünvanı və ya 497 13 33 telefon nömrəsi vasitəsilə qəbul olunur".
Qeyd edək ki, Azərbaycanda Amerika Ticarət Palatası Azərbaycanda biznes maraqlarını dəstəkləyən və təşviq edən özəl, qeyri-kommersiya biznes assosiasiyasıdır. 1996-cı ildə yaradılan "AmCham Azərbaycan"ın bütün sektorlarında fəaliyyət göstərən 240 tam üzv və müxbir üzvü özündə birləşdirir: "Biz Azərbaycanda bütün xarici investisiyaların 80 faizini və yerli investisiyaların əhəmiyyətli hissəsini təmsil edirik. Bizim sahə komitələri vasitəsilə üzvlərimiz məlumat mübadiləsi aparmaq, ümumi maraq doğuran məsələlər qaldırmaq və mümkün həllər təklif etmək imkanı alır. "AmCham" üzvləri, şirkətləri və təşkilatları üçün Azərbaycanda və ABŞ-da geniş biznes məlumatı və əlaqələr şəbəkəsinə çıxış imkanı təmin edilir".
HƏQİQƏT
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
