“iPad” planşetinin liderliyi təhlükə altındadır
“iPad” son bir neçə il ərzində planşet bazarında liderlik edir, lakin tezliklə onun rəqibi meydana çıxacaq. “Finvista Advisors” konsaltinq qrupunun analitiki Samir Sinqx bu hadisənin 2013-cü ilin ortalarında baş verəcəyini hesab edir.
“ICTnews.az” elektron xəbər xidməti “vesti.ru” saytına istinadən bildirir ki, Sinqx öz proqnozunda “IDC” analitik şirkətinin məlumatlarını əsas götürür. Bu şirkətin statistikasına əsasən, 2010-cu ilin payızında “iPad” planşeti bazarın 87 faizinə sahiblənmişdi. Lakin 2 ildən sonra, 2012-ci ilin üçüncü rübündə onun payı 50,4 faizə qədər azalıb.
Sinqx aydınlaşdırıb ki, “Android” platforması ilə işləyən planşetlərin artım sürəti son 8 rübün 6-da “iPad” planşetini geridə qoyub. Onun sözlərinə görə, son 3 ay “Apple” üçün xüsusilə uğursuz olub. Belə ki, alıcılar mağazalara getməyi deyil, “iPad mini” planşetinin istehsalını gözləməyi üstün tutublar.
Sinqx bildirib ki, “iPad”-dan fərqli olaraq, “Android” planşetlərinin tədarük həcmində il ərzində artım qeydə alınıb. Onun proqnozuna görə, belə tendensiya 2013-cü ildə də davam edəcək.
EMİL
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
