Bakıda genişzolaqlı internet abunəçilərinin sayı 200 minə çatıb
Bakıda genişzolaqlı internet abunəçilərinin sayı bütün provayderlərlə birlikdə 200 minə çatıb. Bu barədə "ICTnews" elektron xəbər xidmətinə Bakı Telefon Rabitəsi İstehsalat Birliyinin baş direktor müavini Xankişi Kişiyev məlumat verib. Onun sözlərinə görə, sentyabrın əvvəllərində bu rəqəm təxminən 160 minə bərabər olub.
Baş direktor müavini bildirib ki, "2011-2013-cü illərdə Bakının ətraf kənd və qəsəbələrinin sosial-iqtisadi inkişafı" Dövlət Proqramının informasiya və kommunikasiya texnologiyaları bəndlərinin icrası istiqamətində yeni NGN texnologiyalı stansiyaların qurulması, eləcə də mövcud avadanlıqların müasir texnologiyalarla əvəzlənməsi, genişzolaqlı internet istifadəçilərinin sayının sürətlə artmasına şərait yaradıb.
O, birliyin genişzolaqlı internet tariflərinin endirilməsi istiqamətində həyata keçirilən işlərin də abunəçilərin sayına təsir etdiyini qeyd edib". BTRİB şəbəkəsində tətbiq olunan yeni nəsil NGN texnologiyalarının imkanlarından istifadə etməklə, «IAD», «IP-TV», «IP Console», «Centrex», «VPN» və digər bu kimi genişzolaqlı multimedia xidmətlərinin göstərilməsi həyata keçirilir. Abunəçilərin bu xidmətdən maksimim yararlanması üçün bütün şərait yaradılıb. Həmçinin bütün internet provayderlərinə də öz işlərini daha münasib şəkildə qurması üçün münasib şərait yaradılıb. Bütün bunlar abunəçilərin rahatlığının təmin edilməsi istiqamətində atılan addımlardır ki, nəticə qənaətbəxşdir. Ancaq bütün bunlarla kifayətlənmək olmaz və biz ilin sonuna daha böyük nəticələr əldə edəcəyik"- deyə o bildirib.
RƏVAN
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
