Nizami Gəncəviyə aid “Xəmsə”nin elektron nüsxələrinin toplanması məsələsi müzakirə olunub
Dünyada ilk dəfə olaraq Amerika Birləşmiş Ştatlarının Konqres Kitabxanasında Ümumdünya Kitab Sammiti keçirilib. "ICTnews" elektron xəbər xidmətinə bu barədə AMEA-dan məlumat verilib.
Akademiyadan bildirilib ki, iki gün davam edən sammitdə Konqres Kitabxanasının direktoru James Billington, İsgəndəriyyə Kitabxanasının direktoru İsmayıl Seragəldin, Oksford Universitet Kitabxanası, Britaniya Mərkəzi Kitabxanası, Rusiya, Fransa, İspaniya, Peru, Sinqapur və ümumilikdə 100-dən çox kitabxana direktoru iştirak edib. Bir sıra beynəlxalq əməkdaşlıq müqavilələri imzalanmış sammitdə dünya kitabxanalarında saxlanılan Nizami Gəncəvi "Xəmsə"sinin elektron nüsxələrinin toplanması da müzakirə olunub.
Məlumat üçün bildirək ki, Nizami Gəncəvi Beynəlxalq Mərkəzi dekabrın 3-dən başlayaraq Qarabağ Fondu ilə birgə Amerikada "Nizami Gəncəvi - 870" orijinal əlyazma və illüstrasiyalar sərgisini reallaşdırır.
HƏQİQƏT
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
