İQ testlər faydasızdır
London Elm Muzeyinin direktoru Rocer Hayfild dərc etdiyi məqalədə iddia edir ki, mövcud intellekt əmsalı (IQ) testləri əslində insanın intellekt səviyyəsini qiymətləndirə bilmir. Material Kanadanın Qərbi Ontario Universitetində çalışan alimlər Edrian Ouen və Adam Hempşirin elmi işlərinə əsaslanır.
“ICTnews.az” elektron xəbər xidməti “tech.onliner.by” saytına istinadən bildirir ki, tədqiqat müəllifləri sübut ediblər ki, intellekti vahid göstərici üzrə qiymətləndirmək olmaz, çünki o, bir neçə amil sayəsində formalaşır. "İntellekt bütövlükdə anatomik cəhətdən müxtəlif koqnitiv sistemlərin xüsusiyyətlərinin təzahürüdür" – məqalədə belə qeyd edilib.
Tədqiqat müəlliflərinin 2010-cu ildə istifadəyə verdiyi saytda istəyən şəxs 12 test üzrə özünü yoxlaya bilərdi. Testlər planlaşdırmaq qabiliyyəti, məntiqi nəticə çıxarmaq, diqqət, qısamüddətli yaddaş və sair daxil olmaqla müxtəlif tipli koqnitiv bacarıqları yoxlayıb.
Sınaqdan 100 mindən çox şəxs keçib. Tədqiqat müəllifləri əldə edilmiş məlumat əsasında yuxarıda qeyd edilmiş nəticəyə gəlib.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
