MB elektron ödəniş məkanında bank müştərilərinin identifikasiya edilməsinin təkmilləşdirilməsi üçün yeni sistemə keçdi
Azərbaycanda banklararası hesablaşmalarda istifadə olunan bütün bank hesabları standart bank hesab nömrəsinə (İBAN) keçirilib və real rejimdə istifadəyə başlanılıb. Bu barədə "ICTnews.az" elektron xəbər xidmətinə Mərkəzi Bankın mətbuat xidmətindən məlumat verilib.
MB bildirir ki, bu addım elektron ödəniş məkanında bank müştərilərinin identifikasiya edilməsinin təkmilləşdirilməsi, ödənişlərin emalı zamanı avtomatlaşdırılma səviyyəsinin yüksəldilməsi və bank hesablarının strukturundakı pərakəndəliyin aradan qaldırılması məqsədilə beynəlxalq təcrübəyə əsaslanaraq atılıb. Mətbuat xidməti bildirir ki, sistemə artıq bu ilin yanvarın 7-dən keçilib. MB vurğulayır ki, “İBAN” - Bankçılıq Standartları üzrə Avropa Komitəsi (ECBS) və Standartlaşdırma üzrə Beynəlxalq Təşkilat (İSO) tərəfindən müəyyən edilmiş “İSO 13616” beynəlxalq standartına uyğun olaraq yaradılan standart bank hesab nömrəsidir. “İBAN” hazırda Avropa ölkələri, Türkiyə, Səudiyyə Ərəbistanı, Pakistan, Tunis, MDB ölkələrindən Qazaxıstan və Gürcüstan da daxil olmaqla 61 ölkədə tətbiq edilir. Mərkəzi Bank tərəfindən ölkədə maliyyə institutlarının bank hesablarına “IBAN”-ın tətbiq edilməsi barədə qərarı 17 iyun 2010-cu il tarixində qəbul edilib. “İBAN”-a keçidin təmin edilməsi məqsədilə Mərkəzi Bankın, aparıcı kommersiya banklarının, Banklar Assosiasiyasının və müvafiq dövlət qurumlarının nümayəndələrindən ibarət İşçi Qrupu yaradılıb və Tədbirlər Planı təsdiq edilib.
Tədbirlər Planına uyğun olaraq, ödəniş sistemlərinin iştirakçıları üçün açılmış müxbir və submüxbir hesablar 2012-ci ilin mart ayından etibarən “İBAN” strukturuna keçirilərək real rejimdə istifadəsinə başlanılıb: «Ölkədə tətbiq olunan “İBAN” 28 simvoldan ibarət olmaqla aşağıdakı struktura malikdir:
AZ NR BANK HHHH HHHH HHHH HHHH HHHH
Burada, AZ - Azərbaycan Respublikasının ölkə kodudur (“AZ”).
NR - hesabın doğruluğunun yoxlanılması üçün nəzarət rəqəmləridir.
BANK - maliyyə institutunun SWIFT BIC -inin ilk 4 simvoludur.
HHHHHHHHHHHHHHHHHHHHH - müştəri hesab nömrəsidir».
Qeyd edək ki, “İBAN” barədə ətraflı məlumat Mərkəzi Bankın rəsmi internet saytında (www.cbar.az) yerləşdirilib.
SEYMUR
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
