“Huawei” dünyanın ən böyük telekommunikasiya avadanlığı istehsalçısına çevrilir
Ötən ilin yekununa görə Çinin "Huawei Technologies" telekommunikasiya avadanlığı istehsalçısının satış həcmi 8 faiz artaraq 220 milyard yuan və ya 35.4 milyard dollar təşkil edib.
Çin şirkətinin xalis mənfəəti 15,4 milyard yuana bərabər olub. Bu göstərici 2011-ci illə müqayisədə 33 faiz çoxdur. Bu barədə maliyyə brifinqində "Huawei"-nin maliyyə direktoru Men Vonçjou bildirib.
"ICTnews.az" elektron xəbər xidməti "cybersecurity.ru" saytına istinadən bildirir ki, onun sözlərinə görə, ötən il "Huawei" inkişaf etməkdə olan bazarlarda uğurlu fəaliyyət göstərib. 2012-ci ildə İsveçin "Ericsson" şirkətinin satış həcmi ötən illə müqayisədə, demək olar ki, dəyişməyib. Analitiklər etiraf edirlər ki, "Huawei" şirkəti ötən il "Ericsson"-dan daha sürətli inkişaf edib.
Buna səbəb Çin şirkətinin büdcəyə uyğun bazarlara üstünlük verməsi olub. İlkin məlumatlara əsasən, 2012-ci ildə "Ericsson"un satış həcmi təxminən 227 milyard İsveç kronu və ya 34,8 milyard dollar təşkil edib.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
