Yeni poçt şöbələri istifadəyə veriləcək
Rabitə və İnformasiya Texnologiyaları Nazirliyinin yaranması günü münasibətilə "Azərpoçt" MMC tərəfindən bir çox tədbirlər həyata keçiriləcək. Bu barədə birliyin baş direktor köməkçisi Elşad Nurəliyev "İCTnews" elektron xəbər xidmətinə məlumat verib. Onun sözlərinə görə, əlamətdar gün münasibətilə Lənkəranda 4 saylı, Göygöl rayonunun Qızılca poçt şöbələri istifadəyə veriləcək.
Bu poçt şöbələrində məktub, bağlama və banderolların, teleqramların, poçt pul baratlarının qəbulu və göndərilməsi, poçt markalarının satışı, sürətli poçt xidmətləri, dövri mətbuatın abunəsi və çatdırılması, enerji daşıyıcılarının və digər kommunal xidmət haqlarının yığılması, dünyanın istənilən ölkəsinə sürətli pul köçürmələri, şəhərlərarası telefon danışıq haqlarının ödənilməsi xidmətlərinin həyata keçirilməsi ilə yanaşı, bank və maliyyə xidmətlərinin göstərilməsinə şərait yaradılacaq.
Qeyd edək ki, Prezident İlham Əliyevin sərəncamı ilə Rabitə və İnformasiya Texnologiyaları Nazirliyi 2004-cü il fevral ayının 20-də yaradılıb.
RƏVAN
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
