2018-ci ilədək mobil şirkətlərin əsas gəlir mənbəyi mobil məlumatlar olacaq
“GSM Association” təşkilatının proqnozuna əsasən, 2018-ci ilədək mobil operatorlar səsdən deyil, məlumatların ötürülməsindən daha çox gəlir əldə edəcəklər. Mobil şirkətlərin maraqlarını təmsil edən “GSM Association” təşkilatı “Mobile World Congress 2013” sərgisində müvafiq proqnozu dərc edib.
“ICTnews.az” elektron xəbər xidməti “cybersecurity.ru” saytına istinadən bildirir ki, təşkilatın hesabatına görə, məlumatların ötürülməsi xidmətlərinin imkanlarının artırılması insanların gündəlik həyatını nəzərəçarpacaq dərəcədə dəyişdirir. "Mobil səhiyyə xidmətləri Afrikada milyonlarla insan həyatını xilas edə bilər" – təşkilatdan bildirilib. "Mobil rabitədən istifadə nəticəsində malyariya, vərəmin ağır formaları və ya insan immunçatışmazlığı virusu kimi sağalmaz xəstəliklərlə daha effektiv mübarizə aparmaq olacaq".
"Hər il təxminən 240 ton qida daşınma zamanı xarab olur, lakin temperatur haqqında məlumat verən sadə mobil informatordan istifadə bu məhsulları saxlamağa və 2017-ci ilədək hər il 40 milyon insanı qidalandırmağa imkan verəcək" – “GSMA” təşkilatının nümayəndələri deyib.
“3G” modulu ilə təchiz edilmiş planşetlər sayəsində Asiya və Afrikanın ucqar regionlarında yaşayan təxminən 1,8 milyon uşaq daha keyfiyyətli təhsil almaq imkanına malik olacaq. "Mobil məlumatlar gündəlik həyatımızın, cəmiyyətin və planetin iqtisadiyyatının enerji mənbəyidir" – “GSMA”-ın marketinq üzrə direktoru Maykl O'Xara deyib. “MWC 2013”-ün hesabatına əsasən, mobil məlumatlar sayəsində səhiyyə sahəsi ildə təxminən 400 milyard dollar və hər gün isə 1 milyarddan çox dollara qənaət edə bilər. "3G” və ya “4G” üzrə internetə qoşulmuş avtomobillər artıq hazırda qəza hallarını 10% azalda və avtomobil qəzasının hər onuncu qurbanını xilas edə bilərlər" – “GSM” Assosiasiyasından bildirilib.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
