“Nokia” büdcəyə uyğun telefonlara üstünlük verir
Finlandiyanın "Nokia" şirkəti mobil bazar seqmentində öz strategiyasını dəyişdirir. Xatırladaq ki, "Nokia" 2000-ci ilin əvvəllərində bahalı telefonlar istehsal edirdi. Lakin son beş ildə vəziyyət dəyişib və hazırda "Apple" və "Samsung" şirkətləri bahalı modellər istehsal edir.
Mobil bazarın cari vəziyyətini nəzərə alan Finlandiya şirkəti strategiyasını dəyişərək büdcəyə uyğun qurğular istehsalına daha çox diqqət ayırmağa başlayıb. "ICTnews.az" elektron xəbər xidməti "cybersecurity.ru" saytına istinadən bildirir ki, "Gartner" analitik şirkətinin hesablamasına əsasən, 2012-ci ildə mobil telefonların satış həcmi 20% azalaraq 9,4 milyard avro olub. Bunu nəzərə alan şirkətlər qiyməti mobil telefonlara uyğun "ağıllı" telefonlar istehsal etməyə məcburdurlar.
"Nokia" şirkəti artıq işinə başlamış "Mobile World Congress 2013" sərgisində məhz büdcəyə uyğun qurğularını təqdim edir. "Lumia" seriyasından olan yeni "ağıllı" telefonlar puldan korluq çəkən istehlakçılar üçün nəzərdə tutulub, onlar "Windows Phone 8" mobil platforması ilə işləyirlər və "ağıllı" telefonlara xas əsas xüsusiyyətləri dəstəkləyirlər. Şirkət sərginin birinci iş günündə "Windows Phone 8" platforması ilə işləyən büdcəyə uyğun "Lumia 520" və "Lumia 720" "ağıllı" telefonlarını təqdim edib.
Hər iki model daha əvvəl təqdim edilmiş "Lumia 920" və "Lumia 820"-nin sadələşdirilmiş versiyasıdır.
Bununla belə, onlar "ağıllı" telefonlara xas əsas xüsusiyyətləri dəstəkləyirlər: foto, musiqiyə qulaq asmaq, internet və "Nokia Here" peyk naviqasiyası. "Lumia 520" modeli 8 QB daxili yaddaşla təchiz olunub, lakin daxili yaddaşı 64 qiqabayta qədər artırmaq, həmçinin uzaq saxlanc qismində "Microsoft SkyDrive" xidmətindən istifadə etmək olar.
Cihaz 800x480 piksel təsvir ölçüsünə malik 4 düymlü sensor ekranla təchiz edilib. "Lumia 520" modelində əməli yaddaş qurğusunun həcmi 512 MB təşkil edir və 1 QHs takt tezlikli ikinüvəli "Snapdragon" prosessoru ilə təchiz edilib. "Lumia 720" modeli "520"-yə çox oxşardır, lakin ekranın diaqonalı 4.3 düymdür. Aparatın arxa kamerası 6.7 meqapiksel təsvir ölçüsünə malikdir. Aparatlar cari ilin aprelində satışa çıxarılacaq.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
