“Panasonic” plazma panellərin istehsalından imtina edir
Yaponiyanın "Panasonic" korporasiyası televizor və digər qurğular üçün plazma panel istehsalından tamamilə imtina etmək niyyətindədir. Korporasiya maye kristal ekran istehsalçıları ilə apardığı rəqabət mübarizəsində öz məğlubiyyətini etiraf edib.
"ICTnews.az" elektron xəbər xidməti "itar-tass.com" saytına istinadən bildirir ki, plazma panellərin istehsalının dayandırılması haqqında rəsmən bu ay ərzində məlumat veriləcək. Eyni zamanda korporasiyanın ortamüddətli inkişafa əsaslanan iş planı dərc ediləcək.
Məlumat üçün bildirək ki, 1997-ci ildə "Panasonic" korporasiyası plazma panel istehsalına başlayıb. Bu panellər televizorda yüksək keyfiyyətli təsvirin göstərilməsini təmin edirdi.
Lakin daha ucuz maye kristal ekran istehsalçıları onların sahəsini təsvirin keyfiyyətini itirmədən böyütmək bacarığına yiyələndikdən sonra plazma panellər öz rəqabət üstünlüyünü itirməyə başlayıb. Belə olan halda "Panasonic" şirkəti bu cür displeyləri digər sahələrdə, məsələn, onları elektron yazı lövhəsi kimi təklif etməyə başladı. Lakin bütün bu addımlar böyük uğura səbəb olmadı.
"Panasonic" hazırda çətin dövrünü yaşayır. 2012 maliyyə ilinin yekununa görə, korporasiyanın proqnozlaşdırılan zərəri təxminən 7 milyard dollar təşkil edir.
"Panasonic" dördüncü maliyyə ilini ardıcıl olaraq zərərlə başa vurur. Şirkət çətin vəziyyətdən çıxmaq üçün Tokioda yerləşən iki ofis binasını satmış və Nyu-Yorkda yerləşən Amerika qərargahını satışa çıxarıb.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
