Artıq əcnəbi və vətəndaşlığı olmayan şəxslər olduğu yer üzrə qeydiyyata alınmaları ilə bağlı elektron qaydada müraciət edə bilərlər
Azərbaycan Respublikasına gələn hər bir əcnəbi və vətəndaşlığı olmayan şəxs özü və ya yaşayış sahəsi verən şəxs tərəfindən 3 gün ərzində olduğu yer üzrə qeydiyyata alınması ilə bağlı poçt, elektron poçt vasitəsilə və ya şəxsən Azərbaycan Dövlət Miqrasiya Xidmətinə müraciət etməlidir.
"ICTnews" elektron xəbər xidməti xəbər verir ki, bu barədə adıçəkilən xidmətin yaydığı məlumatda deyilir. Məlumatda bildirilir ki, əcnəbi və vətəndaşlığı olmayan şəxslər olduğu yer üzrə qeydiyyata alınmaları üçün ərizə-anket formasını dolduraraq pasportlarının surəti ilə bir yerdə Dövlət Miqrasiya Xidmətinin "qeydiyyat@migration.gov.az" elektron poçt ünvanına göndərə bilərlər.
Qeydiyyata alınmaları ilə bağlı bildiriş almış əcnəbilər və vətəndaşlığı olmayan şəxslər qeydiyyata alınmış hesab ediləcəklər. Qeydiyyat üçün aşağıdakı sənədlər tələb olunur: Əcnəbinin və vətəndaşlığı olmayan şəxsin olduğu yer üzrə qeydiyyata alınması haqqında ərizə-anket (nümunəsi DMX-nin saytında göstərilib); Əcnəbinin ölkə ərazisinə daxil olduğu pasportunun və ya onu əvəz edən sənədinin, vətəndaşlığı olmayan şəxsin şəxsiyyətini təsdiq edən sənədinin surəti;
Qeyd edək ki, "Yaşayış yeri və olduğu yer üzrə qeydiyyat haqqında" Azərbaycan Respublikası Qanununun tətbiqi haqqında Əsasnamədə dəyişikliklər edilməsi barədə Azərbaycan Respublikası Prezidentinin 5 mart 2013-cü il tarixli 583 nömrəli Fərmanına uyğun olaraq əcnəbi və vətəndaşlığı olmayan şəxslərin olduğu yer üzrə qeydiyyata alınması aprel ayının 1-dən Azərbaycan Respublikası Dövlət Miqrasiya Xidməti tərəfindən həyata keçirilir.
CAHANGİR
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
