“Nokia”nın “Lumia” seriyasından olan modellərinə maraq daha çoxdur
Azərbaycanda "Nokia"nın ən son Lumia" modelləri olan "Nokia Lumia 820" və "Nokia Lumia 920"-yə böyük maraq var. Bu barədə "ICTnews" elektron xəbər xidmətinə "Nokia"nın Azərbaycandakı rəsmi distribüteri olan "MobiTel" şirkətinin kommersiya direktoru Cümşüd Əliyev bildirib.
Onun sözlərinə görə, bu modellərə bütün dünyada olduğu kimi, Azərbaycanda da maraq olacağı əvvəldən məlum olub. Onun sözlərinə görə, "Windows Phone 8" əməliyyat sistemi ilə təchiz olunan ən son "Lumia" modellərinə tələbat "WP7,5" versiyalı smartfonlara nisbətən daha çox olub. Belə ki, bu smartfonların qlobal təqdimatından təqribən 5 ay sonra Azərbaycanda satışa çıxarılmasına baxmayaraq, ilkin sifarişlər gözləniləndən daha artıq olub.
Cari ilin əvvəlindən 2000 ədəddən çox "Nokia Lumia 920" və "820" modeli satılıb. Bu, digər "Lumia" modellərinin Azərbaycanda ilkin satış göstəricilərindən 2 dəfə çox nəticə deməkdir. Bu iki flaqman modeldən əlavə, mart ayının ortalarından yerli bazarda satışa çıxarılan Nokia Lumia 620" modelinin də sərfəli qiymət baxımından uğurlu satış göstəriciləri əldə etdiyini bildirdi.
Yaxın zamanlarda Azərbaycanda satışa çıxarılacaq "Nokia" modellərinin də anonsunu verdi. Belə ki, aprel ayında "Nokia 520" və "720" smartfonları yerli alıcıların ixtiyarına veriləcək.
Ötən il "WP" əməliyyat sistemli smartfonlar bazarın həcminin 0,45 faizini təşkil edirdi, hazırda bu rəqəm Azərbaycan bazarı üçün 3%-dən artıqdır. İstifadə olunan telefonların isə 2%-ə yaxınını təşkil edir.
RƏVAN
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
