Elektron səhiyyə sistemində tətbiq edilən elektron həllər beynəlxalq tədbirdə müzakirə ediləcək
Aprel ayının 15-dən 19-na qədər Türkiyənin İstanbul şəhərində elektron səhiyyə sahəsi üzrə ekspertlər səviyyəsində böyük toplantı keçiriləcək. Səhiyyə Müəssisələri İnteqrasiyasının (Integrating the Healthcare Enterprise- IHE) təşkil etdiyi “The 13th annual IHE-Europe Connectathon” konfransında Azərbaycanı Səhiyyə Nazirliyinin Səhiyyənin İnformasiyalaşdırılması Mərkəzinin direktoru Cəbrayıl Əsədzadə təmsil edəcək.
“ICTnews” elektron xəbər xidmətinə bu barədə Səhiyyə Nazirliyinin Səhiyyənin İnformasiyalaşdırılması Mərkəzinin direktoru məlumat verib. Səfərinin 17-18 tarixlərinə planlaşdırıldığını deyən Cəbrayıl Əsədzadənin sözlərinə görə, konfransda elektron səhiyyə sistemində tətbiq edilən elektron həllərin müzakirəsi və bu sahədə təcrübənin bölüşdürülməsi nəzərdə tutulur.
Qeyd edək ki, IHE-nin missiyası və məqsədi səhiyyə sistemlərinin inteqrasiyasını, onlar arasında təcrübə mübadiləsinin genişləndirilməsini, eyni zamanda məlumat mübadiləsinin təkmilləşdirilməsini təmin etmək, bununla da xəstələrə qayğının artırılmasına, səhiyyə sistemi sahəsində xidmətlərin keyfiyyəti, səmərəliliyi və təhlükəsizliyinin yüksəldilməsinə nail olmaqdır.
HƏQİQƏT
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
