Azərbaycanda innovasiya infrastrukturunun inkişafı məsələləri müzakirə edilir
AMEA-nın Elmi İnnovasiyalar Mərkəzi (EİM) və Avropa İttifaqının Texniki Yardım və İnformasiya Mübadiləsi (TAİEX) proqramının təşkilatçılığı ilə "TAİEX proqramı – Avropa İttifaqının "Avropa qonşuluq siyasəti" çərçivəsində Azərbaycanın innovasiya infrastrukturu sahəsində texniki yardım və informasiya mübadiləsi" mövzusunda seminar keçirilib.
Seminarda EİM-in nümayəndələri ilə yanaşı, Finlandiyanın Texnologiya və İnnovasiyanın maliyyələşdirilmə Agentliyinin Meşə və kimya sənayesi departamentinin direktoru Aalto Mika və hüquq məsləhətçisi Ewart Liisa, Azərbaycan Respublikası Müəllif Hüquqları Agentliyinin İqtisadiyyat Departamentinin "TWINNIG" proqramı üzrə məsləhətçisi Elnur Məmmədli, Standartlaşdırma, Metrologiya və Patent üzrə Dövlət Komitəsinin nəzdində fəaliyyət göstərən Sənaye Mülkiyyəti Obyektlərinin Ekspertizası Mərkəzinin Patent ekspertizası departamentinin müdiri Gülnarə Rüstəmova, Azərbaycan Respublikasının Prezidenti yanında Elmin İnkişafı Fondunun baş məsləhətçisi Adilə Babayevə iştirak ediblər.
EİM-dən bildirilib ki, tədbirin məqsədi innovasiya infrastrukturu və qanunvericilik bazasının yaradılması üçün lazım olan vasitələrlə təminatdır.
Seminarda "Azərbaycanda innovasiya sisteminin müasir vəziyyəti", "Avropa İttifaqında innovasiya sisteminin vəziyyəti", "Elmin maliyyələşməsi", "İntellektual mülkiyyət", "Texnologiya transferi", "Tədqiqat və innovasiya proqramlarının ekspertizası", "Qanunvericilik" kimi mövzular müzakirə edilib. Avropa İttifaqının Texniki Yardım və İnformasiya Mübadiləsi (TAIEX) tərəfindən təşkil edilən bu tədbir 19 aprel tarixinə qədər davam edəcək.
HƏQİQƏT
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
