Yeni nəsil “Intel” prosessorları təqdim edilib
"Intel" şirkəti iyunun 4-də Taybeydə açılmış "Computex 2013" sərgisində "Intel Core" prosessorlarının dördüncü nəslini təqdim edib. Şirkət bəyan edib ki, yeni prosessorlar məhsuldarlığa görə əvvəlki nəsil (Ivy Bridge) çipləri 15%, qurğudan batareyasız istifadə vaxtına görə 50% üstələyir.
"Haswell" əsasında işləyən kompüterlər "Ivy Bridge" kompüterləri ilə müqayisədə üç dəfə artıq gözləmə rejimində qala bilirlər. Bu isə o deməkdir ki, yeni prosessorlu qurğu fəal şəkildə istifadə edildikdə 9 saatadək, gözləmə rejimində olduqda 13 günədək işləyəcək.
"ICTnews.az" elektron xəbər xidməti "lenta.ru" saytına istinadən bildirir ki, "Haswell" prosessorları masaüstü kompüter, noutbuk, ultrabuklar üçün nəzərdə tutulub, lakin "Intel" korporasiyası onların əsas tətbiq sahələrindən biri kimi noutbuka çevrilə bilən planşet kompüterləri hesab edir.
Dördnüvəli məhsuldar "Haswell" prosessorları artıq satışa çıxarılıb, lakin noutbuka çevrilə bilən planşet kompüterləri, planşet, həmçinin orta səviyyəli noutbuk və kompüterlər ilin sonunadək işıq üzü görəcək.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
