İlk qadının kosmosa uçuşunun 50 illiyinə həsr olunmuş marka buraxılıb
Rabitə və İnformasiya Texnologiyaları Nazirliyinin Azərmarka şirkəti dünyanın ilk qadın kosmonavtının kosmosa uçuşunun 50 illiyinə həsr olunmuş suvenir poçt blokunu dövriyyəyə buraxıb.
Dünyanın ilk qadın kosmonavtı Valentina Vladimorovna Tereşkova təxminən 3 sutka davam edən əlamətdar uçuşunu 16 iyun 1963-cü ildə "Vostok-6" kosmik gəmisində həyata keçirib. Raket "Baykonur" kosmodromundan start götürüb.
Blok üzərində Valentina Tereşkovanın və "Vostok-6" kosmik gəmisinin təsvirləri yer alıb.
Markanın nominal dəyəri 1 manat, tirajı 20 min suvenir blok təşkil edir.
Qeyd etmək lazımdır ki, BMT-nin poçt idarəsi də Valentina Tereşkovanın uçuşunun 50 illiyinə həsr olunmuş marka buraxıb.
2013-cü ilin may ayının sonuna olan məlumata görə, dünyada kosmosa uçan qadınların sayı 56 nəfər olub. Valentina Tereşkova əmindir ki, qadınsız kosmosdan istifadə qeyri-mümkündür.
"Qadınlar mütləq kosmik uçuşlarda daha fəal iştirak edəcəklər. Quş bir qanadsız uça bilmədiyi kimi, pilotlu kosmonavtika da qadının fəal iştirakı olmadan inkişaf edə bilməz. Qarşıda Ay, asteroidlər və Mars var və mən düşünürəm ki, kosmik aparatın göyərtəsində qadın olmasa, Mars bunu kişilərə bağışlamaz".
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
