“LG” şirkəti 2013-cü ilin sonunadək elastik ekranların kütləvi istehsalına başlayacaq
“Korea Times” nəşri “LG” şirkətinin nümayəndələrinə istinadən yazır ki, Koreya şirkəti 2013-cü ilin dördüncü rübündə elastik ekranların kütləvi istehsalına başlamaq niyyətindədir.
“ICTnews.az” elektron xəbər xidməti “tech.onliner.by” saytına istinadən bildirir ki, ehtimal ki, elastik ekranlarla təchiz edilmiş ilk smartfonlar ya cari ilin sonunadək, ya da gələn ilin əvvəlində işıq üzü görəcək.
"LG Display ilk elastik ekranların işlənib hazırlanmasını başa çatdırıb. Biz artıq nümunələri müştərilərimizə, həmçinin “LG Electronics”-ə göndərmişik" – mənbə deyib. O deyib ki, sifarişçilər arasında böyük istehsalçılar var, lakin onların adlarını açıqlamayıb.
Onun sözlərinə görə, “LG Display” hər ay 12 min elastik ekran vərəqi istehsal etmək niyyətindədir.
Xatırladaq ki, “Samsung” şirkəti də elastik ekranların hazırlanması ilə məşğul olur, lakin o, bəzi texniki problemlərlə üzləşib.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
