Azərbaycan Milli Elmlər Akademiyasının institut və təşkilatlarının İKT ilə təminatı vəziyyətinin monitorinqinə başlanılır
Azərbaycan Milli Elmlər Akademiyasının (AMEA) institut və təşkilatlarının İKT ilə təminatı vəziyyətinin monitorinqi keçiriləcək. Bu məqsədlə sözügedən qurumlar müvafiq formanı doldurmaqla AMEA Rəyasət Heyətinə təqdim etməlidirlər.
"ICTnews" elektron xəbər xidmətinə AMEA-dan bildirilib ki, formada əməkdaşların ümumi sayı, kompüterlərin sayı, o cümlədən, fərdi (Desktop) kompüter, notebook, planşet, netbook, server, işçi stansiya, periferiya avadanlıqlarının sayı, printer, skaner, surətçıxarma aparatı, veb-kamera, rəqəmli fotoaparat, rəqəmli videokamera, proyektor, digitayzer, plotterin sayı qeyd olunmalıdır. Eyni zamanda AMEA qurumları "Hansı internet provayderin xidmətindən, həmçinin i
nternetə qoşulmanın hansı növündən istifadə edilir" kimi suallara cavab verməklə, modem, "ADSL", "Wi-Fi", ayrılmış xətt, fiber-optik xətt, peyk antenası, internetə qoşulmuş kompüterlərin sayını göstərməlidirlər. Monitorinq üçün vacib olan istiqamətlərdən biri də "Təşkilatın kompüter şəbəkəsi varmı?" sualıdır. Bu bənd üzrə formada təşkilatın kompüter şəbəkəsinin növü: lokal, korporativ və ya intranet olması vurğulanmalıdır.
Təşkilatın internetə çıxış sürəti, internet istifadəçilərinin sayının qeyd olunması da əsas tələblərdəndir. Bundan başqa, kompüterlərdə istifadə olunan lisenziyalı proqram vasitələrinin sayı, o cümlədən əməliyyat sistemləri, verilənlər bazalarının idarə edilməsi sistemləri, tədqiqi proqram vasitələri, antivirus proqramları qeyd olunmalıdır.
Eyni zamanda monitorinqdə təşkilatın veb-saytının ünvanı, həmçinin elmi jurnalların veb-sayt ünvanı, e-poçt ünvanı olan əməkdaşların sayı da nəzərə alınacaq. İnstitut və təşkilatların İKT ilə təminatı vəziyyətini müəyyən edəcək daha bir göstərici mütəxəssislərlə bağlıdır. Bu göstərici isə "Təşkilatda informasiya texnologiyalarının tətbiqi ilə bilavasitə məşğul olan struktur bölmə və ya mütəxəssislər varmı?" sualının cavabını təmin etməklə müəyyənləşəcək.
Həqiqət İSABALAYEVA
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
