Akif Əlizadə İnformasiya Texnologiyaları İnstitutunu örnək göstərdi
AMEA İnformasiya Texnologiyaları İnstitutunda AMEA Rəyasət Heyətinin növbəti iclası keçirilib.
İclas əsasən AMEA Rəyasət Heyəti Mərkəzi Aparatının informasiyalaşdırılmasına dair Fəaliyyət Planının müzakirəsinə həsr olunub.
Tədbir çərçivəsində jurnalistlərə müsahibə verən AMEA prezidenti, akademik Akif Əlizadə bildirib ki, bu gün elmi-tədqiqat müəssisələrinin modernləşdirilməsi, elmin informasiya təminatının gücləndirilməsi, informasiya xidmətlərinin geniş vüsət alması istənilən ölkənin inkişaf meyillərinə təsir edən şərtlərdəndir.
AMEA-nın Rəyasət Heyəti Mərkəzi Aparatının informasiyalaşdırılmasının elektron dövlət quruculuğunun tələblərindən olduğunu qeyd edən A.Əlizadə, bu prosesin yüksək səviyyədə təşkilinin əhəmiyyətindən danışdı: "Bu il dövlət başçısı tərəfindən ölkəmizdə İKT ili elan olunub və bu istiqamətdə dövlət qurumlarında müxtəlif layihələr həyata keçirilir. Bizim də elm ocağı olaraq qarşımızda konkret vəzifələr qoyulub. Həmin vəzifələrdən biri də müasir dövrdə hər bir fəaliyyət sahəsinin və xüsusilə də AMEA-nın mərkəzi aparatının, institut və təşkilatlarının İKT-nin tətbiqi ilə informasiyalaşdırılması prosesidir. Bugünkü iclasın keçirilməsində əsas məqsəd bu prosesə start verilməsidir. Biz arzu edirik ki, AMEA Rəyasət Heyəti Mərkəzi Aparatı, eləcə də bütün akademiya sistemi AMEA İnformasiya Texnologiyaları İnstitutu kimi ən yeni texnologiyaların tətbiqi ilə formalaşmış modern elm məkanına çevrilsin".
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
