Bu da 41 meqapiksellik smartfon (FOTO)
Mobil telefonlar haqqında xəbərlərin işıqlandırılması üzrə ixtisaslaşmış bloqer EVLeaks "Twitter" mikrobloqunda "Nokia" şirkətinin yeni, hələ təqdim edilməmiş smartfonunun fotoşəklini dərc edib.
"ICTnews.az" elektron xəbər xidməti "lenta.ru" saytına istinadən bildirir ki, smartfonun adı hələ dəqiq bilinmir. Fotoşəkillərə əsasən, qurğu "Windows Phone" əməliyyat sistemi ilə işləyəcək və 41 meqapiksellik kamera ilə təchiz ediləcək və xüsusi "Pro Cam" foto tətbiqi quraşdırılacaq.
"Nokia"-nın 41 meqapiksellik smartfonu haqqında informasiya KİV-də daha əvvəl də yer almışdı. Aparatın plastik korpusa yerləşdiriləcəyi və 1280x768 nöqtə təsvir ölçülü 4.5 düymlük ekran və 32 qiqabayt daxili yaddaşla təchiz ediləcəyi proqnozlaşdırılır.
"Nokia" şirkətinin aparatı iyulun 11-də Nyu-Yorkda keçiriləcək nümayişdə təqdim edəcəyi gözlənilir. Tədbirin elanı artıq Finlandiya şirkətinin rəsmi bloqunda yerləşdirilib.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
