Bakıda veb-texnologiyalar mövzusunda konfrans keçirilib
Bakıda Gürcüstan Universitetinin “UG-Group”u və Azərbaycanın təhsil portalı olan “İlk Addımlar”ın təşkilatçılığı ilə veb-texnologiyalar mövzusunda beynəlxalq konfrans keçirilib.
Xəzər Universitetində təşkil olunan konfransda ilk olaraq Azərbaycan və Gürcüstandan olan təşkilatçılar adından Tamar Andghuladze və Rəşad Əliyev iştirakçıları salamlayıblar. “İlk Addımlar”ın rəhbəri R.Əliyev bildirib ki, konfrans beynəlxalq və yerli ekspertlərin öz təcrübələrini gənc proqramçılara ötürməsinə yardımçı olmaq, faydalı informasiya mübadiləsini genişləndirmək məqsədi daşıyır.
Bundan əlavə, konfransın əsas məqsədi yeni əlaqələrin qurulması, yerli mütəxəssislərin iş keyfiyyətinin yüksəldilməsi, dünya üzrə veb-inkişaf sahəsində Qafqaz regionunun aktiv iştirakçılarını nəzərə çarpdırmaq, Azərbaycanın İKT sahəsində dünyaya daha çox inteqrasiyasını təmin etməkdir.
Daha sonra çıxışçılar xüsusi təqdimatlarını nümayiş etdiriblər. “Nokia”, “Mobitel”, “Microsoft”, “Huawei”, “ITDC” və Xəzər Universitetinin dəstək olduğu konfrans müddətində müxtəlif layihələr çərçivəsində məhsul və xidmətlərin iştirakçılara təqdim edilməsi üçün sərgi də təşkil olunub.
Qeyd edək ki, konfransın keçirildiyi günlərdə (6-7 iyul) iştirakçılar üçün də bir sıra maraqlı aksiyalar keçirilib. Bundan əlavə, konfransın yekununda iştirakçılar arasında lotereya keçirilib və qalib gələn şəxslər mobil telefonlar qazanıblar.
Həqiqət İSABALAYEVA
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
