Kanadada çipli pasportlardan istifadə ediləcək
Kanada Pasport Xidməti üz qabığına elektron çipin quraşdırıldığı yeni pasport nümunəsinin buraxılmasını bəyan edib. Hakimiyyət nümayəndələrinin fikrincə, bu, çoxsaylı ölkələrə vizasız daxil olmağa imkan verən milli pasportların saxtalaşdırılmasının qarşısını almaqda kömək edəcək.
Kağız pasportun üz qabığına quraşdırılan elektron çip pasport sahibinin imzası istisna olmaqla ikinci səhifədəki məlumatı özündə saxlayır. Bundan başqa, çipdə pasport sahibinin fotoşəkili və pasportun Kanada hökuməti tərəfindən verilməsini təsdiq edən yoxlama mexanizmi yer alıb.
Pasportun üz qabığındakı çip yalnız 10 santimetrlik məsafədən oxuna bilər ki, bunun da sayəsində pasport sahibinin icazəsi olmadan informasiyanı oxumaq qeyri-mümkündür. Bundan əlavə, çipdə istənilən informasiyanın dəyişdirilməsi pasportu avtomatik olaraq etibarsız edir.
Kanadanın miqrasiya qanunlarına əsasən, vətəndaşın pasportu 5 ildən bir dəyişdirilməlidir. Miqrasiya Xidmətinin məlumatına görə, bu müddət ərzində yeni elektron sənədlər adi kağız pasportlarla eyni hüquqi qüvvəyə malik olacaq.
Yeni pasportlar ənənəvi pasportlardan fərqli olaraq 5 və 10 illik müddətə veriləcək. Kanadada pasportun dəyişdirilməsi ödənişli xidmətdir və ölkə vətəndaşı beşillik pasport üçün təxminən 120 dollar ödəməlidir. Onillik pasportun qiyməti isə 160 dollar təşkil edir,- “CNews www.cnews.ru” yazır.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
