"Catel" şəbəkəsində problemlərin aradan qaldırılmasını başa çatdırır
Rabitə operatoru "Catel" şirkəti şəbəkəsində texniki problemlərin aradan qaldırılması üzrə işləri başa çatdırır. Bu barədə şirkətin baş direktoru Hüseyn Məmmədov deyib. Bu istiqamətdə işlər davam etdirilir və Məmmədovun sözlərinə görə, onlar başa çatdıqdan sonra şirkətin şəbəkəsi əvvəlki rejimdə işləyəcək. Bunun ya avqustun sonunda, ya da sentyabrda baş verəcəyi güman edilir. “Fonex” şəbəkəsi abonentlərinin "Azerfon" MMC mobil rabitə operatorunun şəbəkəsinə qoşulmalarına gəlincə, Məmmədov deyib ki, bu, abonentlərə verilən narahatlıqların aradan qaldırılması məqsədilə edilir və müvəqqəti xarakter daşıyır.
Bir müddət əvvəl şirkətdən deyildiyi kimi, “Catel” operatorunun “Fonex” mobil şəbəkəsinin nömrələri "040" zona kodu ilə başlayan abonentləri "Azerfon" MMC şəbəkəsinə keçirlər. "Azerfon" şəbəkəsinə miqrasiya edən abonent əvvəllər istifadə etdikləri nömrələrin ardıcıllığını saxlamaqla yalnız zona kodunu dəyişəcəklər. "Catel " şirkətinin rəhbəri hesab edir ki, bu, abonent bazasının azalmasına səbəb ola bilər, bununla belə, Məmmədov bildirib ki, abonent istədiyi rabitə xidmətləri tədarükçüsünü seçmək hüququna malikdir.
"Catel" stasionar şəbəkəsinin Bakı Telefon Rabitəsi İstehsalat Birliyinə verilməsinə gəldikdə, bu məsələ hazırda gündəlikdə durmur", - Məmmədov əlavə edib. “Catel” şəbəkəsində problemlər aprelin 1-dən başlayıb. Nəticədə bu, CDMA standartında işləyən telefon sahiblərinin ("417", "418" və "415" indeksli telefon nömrələri, eləcə də "040" zona kodu ilə başlayan “Fonex” mobil şəbəkə nömrələri) telefon şəbəkəsindən ayrılmasına gətirib çıxarıb. Şirkət bunu cihazlardakı nasazlıqlarla izah edib. Bu gün “Catel” operatoru şəbəkəsinin abonentlərinin ümumi sayı 70 minə yaxındır. Bunun təxminən 60 mini CDMA simsiz rabitə standartının abonentləridir.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
