“Nokia” şirkəti ilin sonunadək yeniliklərini təqdim edəcək
Finlandiyanın “Nokia” şirkəti ilin sonunadək bir sıra yeniliklər istehsal etməyi planlaşdırır. Belə yeniliklərdən biri də planşet olacaq. Sözügedən qurğu sentyabrın sonunda elan ediləcək.
“Nokiapoweruser.com” saytının məlumatlarına görə, yenilik Amerikanın “AT&T” operatoru üçün nəzərdə tutulacaq və “Windows” əməliyyat sistemi ilə işləyəcək. İnformasiya öz təsdiqini tapsa, bu, “Nokia”nın planşet bazarına ilk tamhəcmli çıxışı olacaq.
Xatırladaq ki, Finlandiya şirkətinin 2005-ci ildə istehsal etdiyi 4 düymlük diaqonala malik “Nokia 770” planşeti müasir günümüzlə müqayisədə daha çox smartfona oxşayardı.
Bundan başqa, bu il noyabrın əvvəlində “Nokia” şirkəti istifadəçiləri böyük ekranlı smartfonla (smartfon və planşetin hibridi) sevindirəcək.
“ICTnews.az” elektron xəbər xidməti “hitech.newsru.com” saytına istinadən bildirir ki, dekabrda “Lumia” smartfonlarının iki SİM kart dəstəkləyən modelləri təqdim olunacaq.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
