Dünyada hər il 95 milyon özüidarəolunan avtomobil satılacaq
Yaxın 20 il ərzində özüidarəolunan avtomobillərin bazarda payı artacaq və 2013-ci ilədək dünyada satılan minik avtomobillərinin ümumi sayının 75 faizini təşkil edəcək, - “Navigant Research” şirkətinin analitikləri belə düşünür. Analitiklər avtomobil istehsalçılarının və onların tədarükçülərinin hazırkı vəziyyətini, əsas texnologiyaları, eləcə də özüidarəolunan avtomobillərin satış artımını stimullaşdıran və zəiflədən amilləri tədqiq ediblər.
Əksər mütəxəssislər güman edirlər ki, özüidarəolunan avtomobillər təxminən 5 ildən sonra kütləvi satışa çıxarılacaq. Bu müddəti ötən il “Google” şirkətinin xüsusi layihələr üzrə direktoru Sergey Brin deyib. “General Motors” şirkəti artıq 2015-ci ildə yarımavtomatlaşdırılmış idarəetmə sistemli “Cadillac” modelini buraxmağı planlaşdırır.
“Google”da hazırlanan avtomatik avtomobil idarəetmə texnologiyalarında videokamera, lazer, radar və digər cihazlardan istifadə olunur, idarəetmə isə kompüter tərəfindən həyata keçirilir. Bu, sözügedən texnologiya tərəfdarlarının fikrincə, yolda hərəkət təhlükəsizliyini artıra bilər. Texnologiyanın təşəkkülü ilə əlaqədar əsas problemlər texniki sahədə yox, hüquqi sahədə mövcuddur, - “Computerworld www.osp.ru” yazır.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
