“ICANN”-ın Azərbaycandakı özək serveri “AzNET” şəbəkəsinin dayanıqlığını təmin edir
“ICANN” (internetdə domen adları və zonaların verilməsini həyata keçirən təşkilat - Internet Corporation for Assigned Names and Numbers) korporasiyasının Azərbaycanda özək “DNS” serverinin (L-root) yerləşməsi ölkənin internet seqmentinin təhlükəsizliyinin təmini baxımından böyük əhəmiyyətə malikdir. Bu barədə “ICANN”-ın Rusiya, MDB və Şərqi Avropa üzrə vitse-prezidenti Veni Markovski deyib.
V.Markovskinin sözlərinə görə, coğrafi baxımdan paylanmış serverlərin yaradılması ideyası bir neçə il bundan əvvəl cinayətkarlar tərəfindən “ICANN”-ın bütün özək serverlərinə edilən mütəşəkkil hücumdan sonra yaranıb. Bunun nəticəsində isə 7 özək sıradan çıxarılıb.
“Biz belə serverlərin nüsxələrinin yaradılması üzərində kifayət qədər ciddi fikirləşmişik. Bu gün “ICANN”-ın serverində faktiki olaraq mövcud olanların 100 faizi Azərbaycanda yerləşən serverdə də saxlanılır. Bu isə o deməkdir ki, internetlə problem olsa, bu, “AzNET” şəbəkəsinin istifadəçilərinə heç bir təsir göstərməyəcək”, - o qeyd edib.
Qeyd edək ki, “ICANN”-ın Azərbaycandakı özək serveri ötən ilin sonunda istifadəyə verilib. Server internet infrastrukturunun əsas hissəsidir və onun işə salınması qlobal təhlükəsizliyə töhfə verməklə dünya domen sisteminin, eləcə də regionun qlobal şəbəkəsinin dayanıqlıq və sabitliyini artırır, - “Trend www.trend.az” yazır.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
